ਪੰਜਾਬ, ਹਰਿਆਣਾ ਤੇ ਚੰਡੀਗੜ੍ਹ ’ਚ ਮੀਂਹ ਨਾਲ ਮੌਸਮ ਖ਼ੁਸ਼ਗਵਾਰ

ਚੰਡੀਗੜ੍ਹ, 26 ਜੂਨ

ਮੌਸਮ ਵਿਭਾਗ ਨੇ ਅੱਜ ਦੱਸਿਆ ਕਿ ਪੰਜਾਬ, ਹਰਿਆਣਾ ਤੇ ਚੰਡੀਗੜ੍ਹ ਦੇ ਕਈ ਹਿੱਸਿਆਂ ਵਿੱਚ 24 ਘੰਟਿਆਂ ਦੌਰਾਨ ਮੀਂਹ ਪਿਆ ਹੈ। ਪੰਜਾਬ ਵਿੱਚ ਅੰਮ੍ਰਿਤਸਰ ‘ਚ 113.2 ਮਿਲੀਮੀਟਰ ਬਾਰਸ਼ ਦਰਜ ਕੀਤੀ ਗਈ। ਇਸ ਦੇ ਨਾਲ ਗੁਰਦਾਸਪੁਰ (26.7 ਮਿਲੀਮੀਟਰ), ਫਰੀਦਕੋਟ (24.8 ਮਿਲੀਮੀਟਰ), ਫਿਰੋਜ਼ਪੁਰ (16 ਮਿਲੀਮੀਟਰ) ਅਤੇ ਪਠਾਨਕੋਟ (14.1 ਮਿਲੀਮੀਟਰ) ਵਿੱਚ ਮੀਂਹ ਪਿਆ। ਹਰਿਆਣਾ ਦੇ ਰੋਹਤਕ ‘ਚ 96.3 ਮਿਲੀਮੀਟਰ ਬਾਰਸ਼ ਹੋਈ। ਨਾਰਨੌਲ (24 ਮਿਲੀਮੀਟਰ), ਕਰਨਾਲ (22.1 ਮਿਲੀਮੀਟਰ), ਕੁਰੂਕਸ਼ੇਤਰ (19.5 ਮਿਲੀਮੀਟਰ), ਗੁਰੂਗ੍ਰਾਮ (9.5 ਮਿਲੀਮੀਟਰ), ਅੰਬਾਲਾ (7.4 ਮਿਲੀਮੀਟਰ), ਸਿਰਸਾ (4.9 ਮਿਲੀਮੀਟਰ) ਅਤੇ ਭਿਵਾਨੀ (1.7 ਮਿਲੀਮੀਟਰ) ਵੀ ਮੀਂਹ ਪਿਆ।