ਖਿਡਾਰੀਆਂ ਦਾ ਕਿੱਟਾਂ ਨਾਲ ਸਨਮਾਨ

ਮਿਹਰ ਸਿੰਘ
ਕੁਰਾਲੀ, 2 ਅਕਤੂਬਰ
ਸਥਾਨਕ ਸਿੰਘਪੁਰਾ ਮਾਰਗ ’ਤੇ ਸਥਿੱਤ ਖੇਡ ਸਟੇਡੀਅਮ ਵਿੱਚ ਖੇਡਾਂ ਵਿੱਚ ਸ਼ਹਿਰ ਦਾ ਨਾਂ ਰੋਸ਼ਨ ਕਰਨ ਵਾਲੇ ਖਿਡਾਰੀਆਂ ਦੇ ਸਨਮਾਨ ਲਈ ਸਮਾਗਮ ਕਰਵਾਇਆ ਗਿਆ। ਇਸ ਦੌਰਾਨ ਜ਼ਿਲ੍ਹਾ ਕਾਂਗਰਸ ਤੇ ਸਥਾਨਕ ਨਗਰ ਕੌਂਸਲ ਦੇ ਪ੍ਰਧਾਨ ਰਣਜੀਤ ਸਿੰਘ ਜੀਤੀ ਪਡਿਆਲਾ ਨੇ ਖਿਡਾਰੀਆਂ ਦਾ ਸਨਮਾਨ ਕੀਤਾ।
ਇਸ ਮੌਕੇ ਕੌਂਸਲ ਪ੍ਰਧਾਨ ਰਣਜੀਤ ਸਿੰਘ ਜੀਤੀ ਪਡਿਆਲਾ ਨੇ ਦੱਸਿਆ ਕਿ ਉਨ੍ਹਾਂ ਦਾ ਸਮੁੱਚੀ ਟੀਮ ਵੱਲੋਂ ਨੌਜਵਾਨ ਪੀੜ੍ਹੀ ਨੂੰ ਨਸ਼ਿਆਂ ਦਲਦਲ ਵਿੱਚੋਂ ਕੱਢਣ ਤੇ ਖੇਡਾਂ ਨਾਲ ਜੋੜਨ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾ ਰਹੇ ਹਨ। ਕੌਂਸਲ ਵੱਲੋਂ ਖਿਡਾਰੀਆਂ ਲਈ ਵਿਸ਼ੇਸ਼ ਸਾਲਾਨਾ ਫੰਡ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਇਸੇ ਫੰਡ ਤਹਿਤ ਖਿਡਾਰੀਆਂ ਨੂੰ ਅੱਜ ਖੇਡ ਕਿੱਟਾਂ ਵੰਡੀਆਂ ਗਈਆਂ।
ਇਸ ਮੌਕੇ ਕੋਚ ਜਸਮੀਤ ਸਿੰਘ ਤੇ ਕੌਂਸਲਰ ਰਮਾਂਕਾਤ ਕਾਲੀਆ ਨੇ ਦੱਸਿਆ ਕਿ ਖਿਡਾਰੀਆਂ ਤੇ ਕੋਚਾਂ ਨੇ ਪ੍ਰਧਾਨ ਪਡਿਆਲਾ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਜੱਗੀ ਗੌਤਮ, ਬੀਰਦਵਿੰਦਰ ਸਿੰਘ, ਮਨੋਜ ਕੁਮਾਰ, ਕੌਸਲਰ ਲਖਵੀਰ ਸਿੰਘ ਲੱਕੀ, ਸਨਮ ਰਾਣਾ, ਸ਼ਿਵ ਕੁਮਾਰ, ਗੁਰਸ਼ਰਨ ਸਿੰਘ ਛੰਨਾ, ਧਰਮਿੰਦਰ ਸਿੰਘ ਧੰਮਾ ਆਦਿ ਹਾਜ਼ਰ ਸਨ।