ਕਾਲਜ ਦੇ ਮੈਦਾਨ ਵਿੱਚ ਪੌਦੇ ਲਗਾਏ

ਰਤੀਆ (ਪੱਤਰ ਪ੍ਰੇਰਕ):

ਸ਼ਹਿਰ ਦੇ ਸਰਕਾਰੀ ਮਹਿਲਾ ਕਾਲਜ ਵਿੱਚ ਅੱਜ ਸ੍ਰੀ ਅਰੋੜਵੰਸ਼ ਮਹਾਸਭਾ ਵੱਲੋਂ ਪੌਦੇ ਲਗਾਉਣ ਦਾ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਮੌਕੇ ਜਨਰਲ ਇਜਲਾਸ ਦੇ ਪ੍ਰਧਾਨ ਅਸ਼ੋਕ ਗਰੋਵਰ ਦੀ ਅਗਵਾਈ ’ਚ ਅਰੋੜਵੰਸ਼ ਯੁਵਾ ਟੀਮ ਦੇ ਮੈਂਬਰ ਭੀਸ਼ਮ ਭਟੇਜਾ, ਹੈਪੀ ਸਿੰਘ ਸੇਠੀ, ਕੁਮਾਰ ਸਚਦੇਵਾ, ਸਤੀਸ਼ ਸੇਠੀ, ਮੋਹਨ ਚਿਲਾਨਾ, ਮੁਨੀਸ਼ ਕੱਕੜ, ਸੁਰੇਸ਼ ਸੇਠੀ ਨੇ ਕਾਲਜ ਵਿੱਚ ਬੂਟੇ ਲਗਾਏ। ਪ੍ਰੋਗਰਾਮ ਮੌਕੇ ਕਾਲਜ ਪ੍ਰਿੰਸੀਪਲ ਪ੍ਰੇਮ ਮਹਿਤਾ, ਸਟਾਫ਼ ਅਤੇ ਮਹਾਸਭਾ ਦੇ ਮੈਂਬਰਾਂ ਨੇ ਬੂਟੇ ਲਗਾਏ। ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਪ੍ਰਿੰਸੀਪਲ ਪ੍ਰੇਮ ਮਹਿਤਾ ਅਤੇ ਡਾ. ਸੀਮਾ ਨੇ ਦੱਸਿਆ ਕਿ ਪੌਦੇ ਲਗਾਓ ਮੁਹਿੰਮ ਤਹਿਤ ਮਹਾਂਸਭਾ ਵੱਲੋਂ ਇਲਾਕੇ ਵਿੱਚ ਬੂਟੇ ਲਗਾਏ ਜਾ ਰਹੇ ਹਨ ਅਤੇ ਅੱਜ ਕਾਲਜ ਵਿੱਚ ਸੰਸਥਾ ਦੇ ਮੈਂਬਰਾਂ ਨਾਲ ਮਿਲ ਕੇ ਵਿਦਿਆਰਥਣਾਂ ਨੇ ਬੂਟੇ ਲਗਾਏ। ਇਸ ਮੌਕੇ ਡਾ. ਸੁਰਿੰਦਰ ਸ਼ਰਮਾ, ਪ੍ਰੋ. ਪਰਮਜੀਤ ਸੰਧਾ, ਪ੍ਰੋ. ਮਹਿੰਦਰ ਪਾਲ, ਡਾ. ਰਾਜਿੰਦਰ ਰੰਗਾ, ਪ੍ਰੋ. ਪ੍ਰਿਅੰਕਾ ਮਹਿਰਾ ਹਾਜ਼ਰ ਸਨ।