ਸਮਰਾਟ ਚਾਰਲਸ ਵੱਲੋਂ ਭਾਰਤ ਦੌਰੇ ਦੀ ਯੋਜਨਾ

ਲੰਡਨ: ਬਰਤਾਨੀਆ ਦੇ ਸਮਰਾਟ ਚਾਰਲਸ (ਤੀਜਾ) ਨੇੜਲੇ ਭਵਿੱਖ ਵਿੱਚ ਭਾਰਤ ਦੌਰਾ ਕਰਨ ਦੀ ਯੋਜਨਾ ਬਣਾ ਰਹੇ ਹਨ। ਸਾਲ ਦੇ ਸ਼ੁਰੂ ਵਿੱਚ ਉਨ੍ਹਾਂ ਨੂੰ ਕੈਂਸਰ ਹੋਣ ਬਾਰੇ ਪਤਾ ਲੱਗਿਆ ਸੀ। ‘ਡੇਲੀ ਮਿਰਰ’ ਦੀ ਰਿਪੋਰਟ ਮੁਤਾਬਕ ਇਸ ਉਪ-ਮਹਾਂਦੀਪ ਦੌਰੇ ਦੇ ਹਿੱਸੇ ਵਜੋਂ ਉਹ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਵੀ ਰੁਕਣਗੇ। ਉਨ੍ਹਾਂ ਦੀ ਮਾਤਾ ਮਹਾਰਾਣੀ ਐਲਿਜ਼ਾਬੈਥ (ਦੂਜੀ) ਦੇ ਦੇਹਾਂਤ ਕਾਰਨ ਪਹਿਲਾਂ ਇਹ ਦੌਰਾ ਮੁਲਤਵੀ ਕਰ ਦਿੱਤਾ ਗਿਆ ਸੀ। ਸਮਰਾਟ ਚਾਰਲਸ ਅਤੇ ਉਨ੍ਹਾਂ ਦੀ ਪਤਨੀ ਮਹਾਰਾਣੀ ਕੈਮਿਲਾ ਪਿਛਲੇ ਮਹੀਨੇ ਬੰਗਲੂਰੂ ਦੇ ਵੈਲਨੈੱਸ ਰਿਜ਼ੋਰਟ ਵਿੱਚ ਰੁਕੇ ਸਨ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਉਹ ਇਸ ਦੌਰੇ ਦੌਰਾਨ ਵੀ ਇੱਥੇ ਰੁਕਣਗੇ। ਸੂਤਰ ਨੇ ਕਿਹਾ ਕਿ ਇਹ ਦੌਰਾ ਆਲਮੀ ਮੰਚ ’ਤੇ ਬਰਤਾਨੀਆ ਲਈ ਸਿਆਸੀ ਅਤੇ ਸੱਭਿਆਚਾਰਕ ਤੌਰ ’ਤੇ ਬਹੁਤ ਅਹਿਮ ਹੋਵੇਗਾ। -ਪੀਟੀਆਈ