ਗੁੱਜਰਾਂਵਾਲਾ ਇੰਸਟੀਚਿਊਟ ਵਿੱਚ ਪਲੇਸਮੈਂਟ ਕੈਂਪ

ਲੁਧਿਆਣਾ: ਸਾਫਟਵੇਅਰ ਸੇਵਾਵਾਂ ਦੇਣ ਵਾਲੀ ਕੰਪਨੀ ਐਮਵੀਟੀ ਦੀ ਟੀਮ ਨੇ ਅੱਜ ਗੁੱਜਰਾਂਵਾਲਾ ਗੁਰੂ ਨਾਨਕ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ ਤੇ ਟੈਕਨਾਲੋਜੀ (ਜੀਜੀਐੱਨਆਈਐਮਟੀ) ਦੇ ਬੀਸੀਏ ਅਤੇ ਐਮਸੀਏ ਦੇ ਵਿਦਿਆਰਥੀਆਂ ਲਈ ਪਲੇਸਮੈਂਟ ਕੈਂਪ ਲਾਇਆ। ਕੰਪਨੀ ਵੱਲੋਂ ਐਚਆਰ ਮੈਨੇਜਰ ਜਸਪ੍ਰੀਤ ਕੌਰ ਅਤੇ ਬਿਜ਼ਨਸ ਡਿਵੈਲਪਮੈਂਟ ਹੈੱਡ ਵਿਸ਼ਾਲ ਕੁਮਾਰ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਉਨ੍ਹਾਂ ਵੱਖ-ਵੱਖ ਕਿਸਮਾਂ ਦੇ ਪ੍ਰੋਫਾਈਲਾਂ, ਸਫਲਤਾ ਲਈ ਹੁਨਰ ਸੈੱਟ, ਕਰੀਅਰ ਦੇ ਮਾਰਗ ਅਤੇ ਸਾਫਟਵੇਅਰ ਸੈਕਟਰ ਵਿੱਚ ਨਿਰੰਤਰ ਹੁਨਰ ਵਿਕਾਸ ਦੇ ਤਰੀਕਿਆਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਕੈਂਪਸ ਪਲੇਸਮੈਂਟ ਡਰਾਈਵ ਵਿੱਚ 50 ਤੋਂ ਵੱਧ ਵਿਦਿਆਰਥੀਆਂ ਨੇ ਭਾਗ ਲਿਆ ਸੀ ਜਿਨ੍ਹਾਂ ਵਿੱਚੋਂ 18 ਵਿਦਿਆਰਥੀਆਂ ਨੂੰ ਅਗਲੇ ਦੌਰ ਲਈ ਸ਼ਾਰਟਲਿਸਟ ਕੀਤਾ ਗਿਆ ਸੀ। ਦੂਜੇ ਗੇੜ ਵਿੱਚ ਅਭੈ ਕੁਮਾਰ, ਅਮਿਤ ਚੌਹਾਨ, ਸ਼ਿਵਮ ਕੁਮਾਰ, ਸਮੀਰ ਅੰਸਾਰੀ, ਵਿਸ਼ਾਲ ਅਤੇ ਧਰੁਵ ਠਾਕੁਰ ਨੂੰ 6 ਮਹੀਨਿਆਂ ਦੀ ਮਿਆਦ ਲਈ ਟੀਮ ਵੱਲੋਂ ਸਾਫਟਵੇਅਰ ਡਿਵੈਲਪਮੈਂਟ ਇੰਟਰਨ ਵਜੋਂ ਚੁਣਿਆ ਗਿਆ। ਜੀਜੀਐਨਆਈਐਮਟੀ ਦੇ ਡਾਇਰੈਕਟਰ ਪ੍ਰੋ. ਮਨਜੀਤ ਸਿੰਘ ਛਾਬੜਾ ਨੇ ਐਮਵੀਟੀ ਵੱਲੋਂ ਚੁਣੇ ਗਏ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ। ਪ੍ਰਿੰਸੀਪਲ ਡਾ. ਹਰਪ੍ਰੀਤ ਸਿੰਘ ਨੇ ਭਰਤੀ ਮੁਹਿੰਮ ਲਈ ਟੀਐਂਡਪੀ ਸੈੱਲ ਫੈਕਲਟੀ ਕੋਆਰਡੀਨੇਟਰ ਡਾ. ਪਰਵਿੰਦਰ ਸਿੰਘ, ਪ੍ਰੋ. ਅੰਮ੍ਰਿਤਪ੍ਰੀਤ ਕੌਰ ਅਤੇ ਪ੍ਰੋ. ਪਰਮਜੀਤ ਸਿੰਘ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। -ਖੇਤਰੀ ਪ੍ਰਤੀਨਿਧ