ਪੀਰਖਾਨਾ ਟਰੱਸਟ ਦਾ ਸਾਲਾਨਾ ਸਮਾਗਮ ਤੇ ਭੰਡਾਰਾ 20 ਨੂੰ

ਨਿੱਜੀ ਪੱਤਰ ਪ੍ਰੇਰਕ
ਧੂਰੀ, 13 ਜੂਨ
ਅਗਰਵਾਲ ਪੀਰਖਾਨਾ ਟਰੱਸਟ ਗਰੀਨ ਸਿਟੀ ਧੂਰੀ ਵੱਲੋਂ ਪੀਰਾਂ ਦਾ ਦੀਵਾਨ ਅਤੇ ਭੰਡਾਰਾ 20 ਜੂਨ ਨੂੰ ਪੀਰਖਾਨਾ ਦਰਗਾਹ ਗ੍ਰੀਨ ਸਿਟੀ ਧੂਰੀ ਵਿਖੇ ਕਰਵਾਇਆ ਜਾਵੇਗਾ। ਟਰੱਸਟ ਦੇ ਮੁੱਖ ਸੇਵਾਦਾਰ ਬਾਬਾ ਵਿਜੈ ਗੋਇਲ ਨੇ ਦੱਸਿਆ ਕਿ ਇਹ 17ਵਾਂ ਸਲਾਨਾ ਭੰਡਾਰਾ ਹੈ। ਇਸ ਵਾਰ ਵੀ ਇਸ ਭੰਡਾਰੇ ਦੇ ਦੌਰਾਨ ਗਰੀਬ ਅਤੇ ਬੇਸਹਾਰਾ ਲੜਕੀਆਂ ਜੋ ਕਿ ਸਿਲਾਈ ਕੜਾਈ ਦਾ ਕੰਮ ਜਾਣਦੀਆਂ ਹਨ ਪਰ ਉਹ ਸਿਲਾਈ ਮਸ਼ੀਨ ਨਹੀਂ ਲੈ ਸਕਦੀਆਂ, ਉਨ੍ਹਾਂ ਲੜਕੀਆਂ ਨੂੰ ਮੁਫਤ ਸਿਲਾਈ ਮਸ਼ੀਨਾਂ ਦਿੱਤੀਆਂ ਜਾਣਗੀਆਂ। ਇਸ ਤੋਂ ਲੋੜਵੰਦ ਪਰਿਵਾਰਾਂ ਨੂੰ ਘਰੇਲੂ ਸਾਮਾਨ ਵੀ ਦਿੱਤਾ ਜਾਵੇਗਾ।