ਬਿਜਲੀ ਦੇ ਵਾਧੂ ਬਿੱਲਾਂ ਤੋਂ ਲੋਕ ਦੁਖੀ

ਪੱਤਰ ਪ੍ਰੇਰਕ
ਖਰੜ, 10 ਅਗਸਤ 

ਗੁਰੂ ਤੇਗ ਬਹਾਦਰ ਨਗਰ ਸੁਧਾਰ/ਕਲਿਆਣ ਕਮੇਟੀ ਦੀ ਮੀਟਿੰਗ ਅੱਜ ਇੱਥੇ ਗੁਰੂ ਤੇਗ ਬਹਾਦਰ ਨਗਰ ਬਾਬੂ ਸਿੰਘ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿੱਚ ਸੁਰਿੰਦਰ ਸਿੰਘ ਜੰਡਪੁਰ ਜਨਰਲ ਸਕੱਤਰ ਨੇ ਪੰਜਾਬ ਰਾਜ ਪਾਵਰ ਕਾਰਪੋਰੇਸਨ ਵੱਲੋਂ ਬਿਨਾ ਕਿਸੇ ਰੀਡਿੰਗ ਤੋਂ ਭੇਜੇ ਜਾਂਦੇ ਵੱਡੇ ਵੱਡੇ ਬਿੱਲਾਂ ਸਬੰਧੀ ਦੱਸਿਆ ਕਿ ਬਹੁਤ ਸਾਰੇ ਪਰਿਵਾਰਾਂ ਨੂੰ ਨਾਜਾਇਜ਼ ਬਿੱਲ ਆ ਰਹੇ ਹਨ ਜਦੋਂਕਿ ਬਿਜਲੀ ਦੀ ਖਪਤ ਉਨ੍ਹਾਂ ਦੀ ਨਿਗੁਣੀ ਜਿਹੀ ਹੈ।

ਊਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜੇਕਰ ਬਿੱਲ ਰੀਡਿੰਗ ਅਨੁਸਾਰ ਦਰੁਸਤ ਨਾ ਕੀਤੇ ਤਾਂ ਅਧਿਕਾਰੀਆਂ ਦਾ ਘਿਰਾਓ ਕੀਤਾ ਜਾਵੇਗਾ। ਮੀਟਿੰਗ ਵਿੱਚ ਬਾਬਾ ਦਵਿੰਦਰ ਸਿੰਘ ਧਾਲੀਵਾਲ, ਅਮਰਜੀਤ ਸਿੰਘ ਬੇਦੀ, ਹਰਨੇਕ ਸਿੰਘ ਪਲਹੇੜੀ, ਰਜਿੰਦਰ ਸਿੰਘ ਘੜੂੰਆ, ਦਰਸ਼ਨ ਸਿੰਘ ਪ੍ਰੋ. ਬਲਵੀਰ ਸਿੰਘ, ਅਵਤਾਰ ਸਿੰਘ ਸਾਂਪਲਾ, ਸੁਰਿੰਦਰ ਸਿੰਘ ਸ਼ਿਵਜੋਤ, ਅਸ਼ੋਕ ਸ਼ਰਮਾ ਅਤੇ ਜਰਨੈਲ ਸਿੰਘ ਸ਼ਾਮਲ ਸਨ।