ਪੇਅਟੀਐੱਮ 29 ਫਰਵਰੀ ਮਗਰੋਂ ਵੀ ਕੰਮ ਕਰਦਾ ਰਹੇਗਾ: ਸੀਈਓ

ਨਵੀਂ ਦਿੱਲੀ: ਵਨ97 ਕਮਿਊਨੀਕੇਸ਼ਨਜ਼ ਲਿਮਿਟਡ (ਓਸੀਐੱਲ) ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਵਿਜੈ ਸ਼ੇਖਰ ਸ਼ਰਮਾ ਨੇ ਅੱਜ ਕਿਹਾ ਕਿ ਡਿਜੀਟਲ ਭੁਗਤਾਨ ਤੇ ਸੇਵਾ ਐਪ ਪੇਅਟੀਐੱਮ ਕੰਮ ਕਰ ਰਹੀ ਹੈ ਅਤੇ 29 ਫਰਵਰੀ ਤੋਂ ਬਾਅਦ ਵੀ ਇਹ ਹਮੇਸ਼ਾ ਦੀ ਤਰ੍ਹਾਂ ਕੰਮ ਕਰਦੀ ਰਹੇਗੀ। ਓਸੀਐੱਲ ਦੇ ਬਾਨੀ ਤੇ ਸੀਈਓ ਨੇ ‘ਐਕਸ’ ’ਤੇ ਲਿਖਿਆ ਕਿ ਕੰਪਨੀ ਨਿਯਮਾਂ ਦਾ ਪੂਰਾ ਪਾਲਣ ਕਰਦੀ ਹੋਈ ਦੇਸ਼ ਦੀ ਸੇਵਾ ਕਰਨ ਲਈ ਪ੍ਰਤੀਬੱਧ ਹੈ। ਸ਼ਰਮਾ ਨੇ ਕਿਹਾ, ‘ਪੇਅਟੀਐੱਮ ਦੀ ਵਰਤੋਂ ਕਰਨ ਵਾਲੇ ਸਾਰੇ ਲੋਕਾਂ ਲਈ... ਤੁਹਾਡੀ ਪਸੰਦੀਦਾ ਐਪ ਕੰਮ ਕਰ ਰਹੀ ਹੈ ਅਤੇ 29 ਫਰਵਰੀ ਤੋਂ ਬਾਅਦ ਵੀ ਇਸੇ ਤਰ੍ਹਾਂ ਕੰਮ ਕਰਦੀ ਰਹੇਗੀ।’ -ਪੀਟੀਆਈ