ਪੀਏਯੂ ਪੈਨਸ਼ਨਰਜ਼ ਵੈੱਲਫੇਅਰ ਐਸੋਸੀਏਸ਼ਨ ਦੀ ਮੀਟਿੰਗ

ਲੁਧਿਆਣਾ (ਖੇਤਰੀ ਪ੍ਰਤੀਨਿਧ):

ਪੀਏਯੂ ਪੈਨਸ਼ਨਰਜ਼ ਵੈੱਲਫੇਅਰ ਐਸੋਸੀਏਸ਼ਨ ਦੀ ਮੀਟਿੰਗ ਸਥਾਨਕ ਵਿਦਿਆਰਥੀ ਭਵਨ ਵਿੱਚ ਐਗਜ਼ੈਕਟਿਵ ਕਮੇਟੀ ਦੀ ਪ੍ਰਧਾਨਗੀ ਹੇਠ ਹੋਈ। ਇਸ ਵਿੱਚ ਪ੍ਰਧਾਨ ਸੁਖਦੇਵ ਸਿੰਘ, ਸੀਨੀਅਰ ਉੱਪ ਪ੍ਰਧਾਨ ਜਸਵੰਤ ਜੀਰਖ, ਜਨਰਲ ਸਕੱਤਰ ਆਸਾ ਸਿੰਘ ਪੰਨੂ, ਸਕੱਤਰ ਸਵਰਨ ਸਿੰਘ ਰਾਣਾ, ਸਰਪ੍ਰਸਤ ਐਮਐਸ ਪ੍ਰਮਾਰ ਸ਼ਾਮਲ ਸਨ। ਮੀਟਿੰਗ ਦੇ ਸ਼ੁਰੂ ’ਚ ਸਦੀਵੀਂ ਵਿਛੜੇ ਮੈਂਬਰਾਂ ਤੇ ਹਾਥਰਥ ਵਿੱਚ ਜਾਣ ਗੁਆ ਗਏ ਲੋਕਾਂ ਨੂੰ ਸ਼ਰਧਾਂਜਲੀ ਦਿੱਤੀ ਗਈ। ਜਨਰਲ ਸਕੱਤਰ ਆਸਾ ਸਿੰਘ ਪੰਨੂ ਨੇ ਸੰਸਥਾ ਦੇ ਨਵੇਂ ਬਣੇ ਮੈਂਬਰਾਂ ਬਾਰੇ ਜਾਣ-ਪਛਾਣ ਕਰਵਾਈ, ਉਪਰੰਤ ਸਾਬਕਾ ਮੁਲਾਜ਼ਮਾਂ ਦੇ ਕੰਪਿਊਟ ਕੇਸਾਂ ਸਬੰਧੀ ਮਿਲੇ ਸਟੇਅ ਬਾਰੇ ਦੱਸਿਆ। ਸਕੱਤਰ ਸਵਰਨ ਸਿੰਘ ਰਾਣਾ ਨੇ ਇਸ ਕੇਸ ਵਿੱਚ ਵਧੀਆ ਜੁੰਮੇਵਾਰੀ ਨਿਭਾਉਣ ਵਾਲੇ ਮੈਂਬਰਾਂ ਦੀ ਪ੍ਰਸੰਸਾ ਕੀਤੀ। ਸ੍ਰੀ ਜੀਰਖ ਨੇ ਸਮਾਜ ਵਿੱਚ ਵਧ ਰਹੀ ਚੇਤਨਤਾ ਨੂੰ ਮਨੁੱਖੀ ਜ਼ਿੰਦਗੀ ਖੁਸ਼ਹਾਲ ਬਣਾਉਣ ਲਈ ਕੀਤੇ ਜਾਂਦੇ ਯਤਨਾਂ/ ਸੰਘਰਸ਼ਾਂ ਨੂੰ ਲੀਹੋਂ ਲਾਹੁਣ ਲਈ ਵਧ ਰਹੀਆਂ ਫ਼ਿਰਕੂ ਤਾਕਤਾਂ ’ਤੇ ਚਿੰਤਾ ਪ੍ਰਗਟਾਈ। ਸੁਰਿੰਦਰ ਮੋਹੀ, ਇੰਦਰ ਸੈਨ, ਕਰਤਾਰ ਸਿੰਘ ਅਤੇ ਆਦਿ ਜੌਹਲ ਨੇ ਰਚਨਾਵਾਂ ਸੁਣਾਈਆਂ। ਪ੍ਰਧਾਨ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਇਸ ਸਮੇਂ ਬਲਵੀਰ ਸਿੰਘ, ਰਣਜੋਧ ਸਿੰਘ ਗਰੇਵਾਲ, ਤਜਿੰਦਰ ਮਹਿੰਦਰੂ, ਨਿਰਮਲ ਸਿੰਘ, ਸੁਖਮਿੰਦਰ ਸਿੰਘ ਗਰੇਵਾਲ, ਕਰਮ ਚੰਦ, ਜਰਨੈਲ ਸਿੰਘ, ਪ੍ਰੀਤ ਮਹਿੰਦਰ ਆਦਿ ਹਾਜ਼ਰ ਸਨ।