ਪਟਿਆਲਾ: 6 ਦੀ ਮਹਾਰੈਲੀ ਲਈ ਕਿਸਾਨ ਯੂਨੀਅਨ ਭਟੇੜੀ ਦੀ ਮੀਟਿੰਗ

ਸਰਬਜੀਤ ਸਿੰਘ ਭੰਗੂ
ਪਟਿਆਲਾ, 4 ਜਨਵਰੀ
ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਭਟੇੜੀ ਕਲਾਂ ਦੀ ਮੀਟਿੰਗ ਸੂਬਾ ਪ੍ਰਧਾਨ ਜੰਗ ਸਿੰਘ ਭਟੇੜੀ ਦੀ ਪ੍ਰਧਾਨਗੀ ਹੇਠ ਗੁਰਦੁਆਰਾ ਦੂਖ ਨਿਵਾਰਨ ਸਾਹਿਬ ਵਿਖੇ ਹੋਈ, ਜਿਸ ਵਿੱਚ 6 ਜਨਵਰੀ ਨੂੰ ਉਤਰੀ ਭਾਰਤ ਦੀਆਂ 18 ਕਿਸਾਨ ਜਥੇਬੰਦੀਆਂ ਤੇ ਸੰਯੁਕਤ ਕਿਸਾਨ ਮੋਰਚਾ ਗੈਰ ਰਾਜਨੀਤਿਕ ਦੇ ਸੱਦੇ ’ਤੇ ਬਰਨਾਲਾ ਅਨਾਜ ਮੰਡੀ ਵਿਖੇ ਹੋ ਰਹੀ ਮਹਾਂ ਰੈਲੀ ਵਿੱਚ ਭਾਗ ਲੈਣ ਲਈ ਵਿਚਾਰ ਚਰਚਾ ਕੀਤੀ। ਇਸ ਮੌਕੇ ਗੁਰਧਿਆਨ ਸਿੰਘ ਸਿਉਨਾ, ਹਰਨੇਕ ਸਿੰਘ ਸਿੱਧੂਵਾਲ, ਬਹਾਦਰ ਦਦਹੇੜਾ, ਰਾਮ ਰਤਨ ਸਿੰਘ ਆਕੜੀ, ਦਵਿੰਦਰ ਮਜਾਲ, ਸੁਖਵਿੰਦਰ ਸਪੇੜਾ, ਸ਼ੇਰ ਸਿੰਘ, ਸੁਖਜੀਤ ਸਿੰਘ ਦੌਣ ਖੁਰਦ, ਗੁਰਦਰਸ਼ਨ ਸਿੰਘ ਉੱਚਾ ਗਾਓਂ, ਕੇਸਰ ਸਿੰਘ ਉੱਚਾ ਗਾਓ, ਗੁਰਦੇਵ ਚਲੈਲਾ, ਹਰਪ੍ਰੀਤ ਸਿੰਘ ਕਲਿਆਣ, ਹਰੀ ਸਿੰਘ ਆਸੇ ਮਾਜਰਾ ਹਾਜ਼ਰ ਹੋਏ।