ਪਰਿਨੀਤੀ ਚੋਪੜਾ ਦਾ 36ਵਾਂ ਜਨਮ ਦਿਨ, ਪ੍ਰਸ਼ੰਸਕਾਂ ਨੇ ਦਿੱਤੀਆਂ ਵਧਾਈਆਂ

ਮੁੰਬਈ:

ਬੌਲੀਵੁੱਡ ਅਦਾਕਾਰਾ ਪਰਿਨੀਤੀ ਚੋਪੜਾ ਨੇ ਅੱਜ ਆਪਣਾ 36ਵਾਂ ਜਨਮ ਦਿਨ ਮਨਾਇਆ। ਇਸ ਮੌਕੇ ਉਸ ਦੇ ਚਾਹੁਣ ਵਾਲਿਆਂ ਨੇ ਉਸ ਨੂੰ ਸ਼ੁਭਕਾਮਨਾਵਾਂ ਭੇਜੀਆਂ। ਇਸ ਦੌਰਾਨ ਉਸ ਦੇ ਪਤੀ ਰਾਘਵ ਚੱਢਾ ਨੇ ਵੀ ਆਪਣੀ ‘ਰਾਜਕੁਮਾਰੀ’ ਨੂੰ ਸੋਸ਼ਲ ਮੀਡੀਆ ’ਤੇ ਸੰਦੇਸ਼ ਭੇਜਿਆ ਹੈ। ਰਾਘਵ ਨੇ ਇੰਸਟਾਗ੍ਰਾਮ ’ਤੇ ਰੁਮਾਂਟਿਕ ਤਸਵੀਰਾਂ ਸਾਂਝੀਆਂ ਕਰਦਿਆਂ ਦਿਲ ਨੂੰ ਮੋਹ ਲੈਣ ਵਾਲਾ ਨੋਟ ਵੀ ਲਿਖਿਆ ਹੈ। ਉਸ ਨੇ ਲਿਖਿਆ, ‘ਤੁਹਾਡਾ ਹਾਸਾ, ਤੁਹਾਡੀ ਆਵਾਜ਼, ਤੁਹਾਡੀ ਸੁੰਦਰਤਾ ਨੂੰ ਦੇਖ ਕੇ ਕਈ ਵਾਰ ਹੈਰਾਨ ਹੁੰਦਾ ਹਾਂ ਕਿ ਪਰਮਾਤਮਾ ਨੇ ਇੱਕ ਵਿਅਕਤੀ ਵਿੱਚ ਇੰਨਾ ਜਾਦੂ ਕਿਵੇਂ ਭਰ ਦਿੱਤਾ…ਅੱਜ ਆਪਣੇ ਜਨਮ ਦਿਨ ’ਤੇ ਜਿਵੇਂ ਤੂੰ ਹੋਰ ਸੁੰਦਰ ਅਤੇ ਸਮਝਦਾਰ ਹੁੰਦੀ ਜਾਵੇਂਗੀ, ਮੈਨੂੰ ਉਮੀਦ ਹੈ ਕਿ ਤੇਰੇ ਸਾਰੇ ਸੁਪਨੇ ਸਾਕਾਰ ਹੋਣਗੇ। ਤੂੰ, ਪਾਰੂ, ਮੇਰਾ ਸਭ ਤੋਂ ਅਨਮੋਲ ਤੋਹਫ਼ਾ ਹੋ ਅਤੇ ਮੈਂ ਤੁਹਾਨੂੰ ਹੋਰ ਵੀ ਮੁਸਕਰਾਉਂਦੇ ਰਹਿਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਦਾ ਰਹਾਂਗਾ। ਜਨਮ ਦਿਨ ਮੁਬਾਰਕ, ਮੇਰੀ ਰਾਜਕੁਮਾਰੀ!” ਉਧਰ, ਪਰਿਨੀਤੀ ’ਤੇ ਜਨਮ ਦਿਨ ਦਾ ਪਿਆਰ ਦਿਖਾਉਂਦੇ ਹੋਏ, ਭੈਣ ਪ੍ਰਿਅੰਕਾ ਚੋਪੜਾ ਜੋਨਸ ਨੇ ‘ਇਸ਼ਕਜ਼ਾਦੇ’ ਅਭਿਨੇਤਰੀ ਦੀ ਸੁੰਦਰ ਬੀਚ ਸੈਲਫੀ ਇੰਸਟਾਗ੍ਰਾਮ ’ਤੇ ਸਾਂਝੀ ਕੀਤੀ ਹੈ। -ਆਈਏਐਨਐਸ