ਪਨਸਪ ਚੇਅਰਮੈਨ ਪੰਨੂ ਨੇ ਲੋੜਵੰਦਾਂ ਨੂੰ ਦੋ ਮਕਾਨ ਬਣਾ ਕੇ ਦਿੱਤੇ

ਬਟਾਲਾ:

ਪੰਜਾਬ ਪਨਸਪ ਦੇ ਚੇਅਰਮੈਨ ਤੇ ‘ਆਪ’ ਦੇ ਜ਼ਿਲ੍ਹਾ ਗੁਰਦਾਸਪੁਰ ਦੇ ਦਿਹਾਤੀ ਪ੍ਰਧਾਨ ਬਲਬੀਰ ਸਿੰਘ ਪੰਨੂ ਨੇ ਆਪਣੀ ਕਮਾਈ ਦੇ ਦਸਵੰਦ ’ਚੋਂ ਦੋ ਜ਼ਰੂਰਤਮੰਦਾਂ ਦੇ ਦੋ ਮਕਾਨ ਬਣਾ ਕੇ ਦਿੱਤੇ। ਹਲਕਾ ਫਤਹਿਗੜ੍ਹ ਚੂੜੀਆਂ ਹਲਕਾ ਇੰਚਾਰਜ ਪੰਨੂ ਨੇ ਪਿੰਡ ਅਲੀਵਾਲ ਅਰਾਈਆ ’ਚ ਮਿੱਠੂ ਮਸੀਹ ਤੇ ਮੰਗਾ ਮਸੀਹ ਨੂੰ ਮਕਾਨ ਬਣਾ ਕੇ ਦਿੱਤਾ ਹੈ। ਅੱਜ ਸ੍ਰੀ ਪੰਨੂ ਵੱਲੋਂ ਇਨ੍ਹਾਂ ਮਕਾਨਾਂ ਦਾ ਰਸਮੀ ਉਦਘਾਟਨ ਕੀਤਾ ਗਿਆ। ਇਸ ਮੌਕੇ ਲੋੜਵੰਦ ਪਰਿਵਾਰਾਂ ਨੇ ਚੇਅਰਮੈਨ ਦਾ ਸ਼ੁਕਰੀਆ ਅਦਾ ਕੀਤਾ। ਇਸ ਮੌਕੇ ਪੰਨੂ ਨੇ ਕਿਹਾ ਕਿ ਧਰਮ ਕਮਰ ਦੇ ਕਾਰਜਾਂ ਲਈ ਪੰਜਾਬੀ ਆਪਣੀ ਹੈਸੀਅਤ ਅਨੁਸਾਰ ਯੋਗਦਾਨ ਪਾਉਂਦੇ ਹਨ। ਉਨ੍ਹਾਂ ਆਖਿਆ ਕਿ ਸਾਨੂੰ ਸਭ ਨੂੰ ਲੋੜਵੰਦਾਂ ਦੀ ਸਹਾਇਤਾਂ ਕਰਨ ਲਈ ਹਮੇਸ਼ਾਂ ਤੱਤਪਰ ਰਹਿਣਾ ਚਾਹੀਦਾ ਹੈ। -ਨਿੱਜੀ ਪੱਤਰ ਪ੍ਰੇਰਕ