ਪੰਕਜ ਅਡਵਾਨੀ ਨੇ ਦੋਹਰਾ ਖ਼ਿਤਾਬ ਜਿੱਤਿਆ

ਦੋਹਾ, 23 ਨਵੰਬਰ
ਸੀਨੀਅਰ ਭਾਰਤੀ ਕਿਊ ਖਿਡਾਰੀ ਪੰਕਜ ਅਡਵਾਨੀ ਨੇ ਅੱਜ ਇੱਥੇ ਆਈਬੀਐੱਸਐੱਫ ਵਿਸ਼ਵ ਬਿਲੀਅਰਡਜ਼ ਚੈਂਪੀਅਨਸ਼ਿਪ (ਅੰਕ ਵੰਨਗੀ) ਦੇ ਫਾਈਨਲ ਵਿੱਚ ਹਮਵਤਨ ਸੌਰਵ ਕੋਠਾਰੀ ਨੂੰ 5-0 ਨਾਲ ਹਰਾ ਕੇ ਪੰਜਵੀਂ ਵਾਰ ਦੋਹਰਾ ਖ਼ਿਤਾਬ ਆਪਣੇ ਨਾਮ ਕੀਤਾ ਹੈ। ਇਸ ਜਿੱਤ ਨਾਲ ਅਡਵਾਨੀ ਦੇ ਵਿਸ਼ਵ ਖ਼ਿਤਾਬਾਂ ਦੀ ਗਿਣਤੀ 27 ਹੋ ਗਈ ਹੈ। ਵਿਸ਼ਵ ਚੈਂਪੀਅਨਸ਼ਿਪ ਦੇ ਫਾਈਨਲ ਵਾਂਗ ਹੀ ਅਡਵਾਨੀ ਨੇ ਅੱਜ ਇੱਥੇ ਕੋਠਾਰੀ ’ਤੇ ਆਪਣਾ ਦਬਦਬਾ ਬਣਾਇਆ। ਅਡਵਾਨੀ ਨੇ ਹਾਲ ਹੀ ਵਿੱਚ 1000 ਅੰਕ ਦੀ ਵੰਨਗੀ ਵਿੱਚ ਕੋਠਾਰੀ ਨੂੰ ਹਰਾਇਆ ਸੀ। -ਪੀਟੀਆਈ