ਜੰਮੂ ਕਸ਼ਮੀਰ ਦੇ ਪੁਣਛ ’ਚ ਐੱਲਓਸੀ ਨੇੜੇ ਭਾਰਤੀ ਖੇਤਰ ’ਚ ਪਾਕਿਸਤਾਨੀ ਡਰੋਨ ਦਾਖ਼ਲ, ਗੋਲੀਬਾਰੀ ਬਾਅਦ ਵਾਪਸ ਗਿਆ

ਮੇਂਢਰ/ਜੰਮੂ, 12 ਫਰਵਰੀਫੌਜ ਦੇ ਜਵਾਨਾਂ ਨੇ ਜੰਮੂ-ਕਸ਼ਮੀਰ ਦੇ ਪੁਣਛ ਜ਼ਿਲ੍ਹੇ ਵਿਚ ਕੰਟਰੋਲ ਰੇਖਾ (ਐੱਲਓਸੀ) ਨੇੜੇ ਪਾਕਿਸਤਾਨੀ ਡਰੋਨ 'ਤੇ ਗੋਲੀਬਾਰੀ ਕੀਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਦੇਰ ਰਾਤ ਡਰੋਨ ਕੁਝ ਸਮੇਂ ਲਈ ਭਾਰਤੀ ਖੇਤਰ ਵਿੱਚ ਆਇਆ ਤੇ ਜਵਾਨਾਂ ਵੱਲੋਂ ਕੀਤੀ ਗੋਲੀਬਾਰੀ ਬਾਅਦ ਪਰਤ ਗਿਆ। ਉਨ੍ਹਾਂ ਕਿਹਾ ਕਿ ਮੇਂਢਰ ਦੇ ਨਾਰ ਮਨਕੋਟ ਖੇਤਰ ਵਿੱਚ ਦੁਸ਼ਮਨ ਡਰੋਨ ਗਤੀਵਿਧੀ ਦੇਖੀ ਗਈ, ਜਿਸ ਤੋਂ ਬਾਅਦ ਕੰਟਰੋਲ ਰੇਖਾ 'ਤੇ ਤਾਇਨਾਤ ਜਵਾਨਾਂ ਨੇ ਇਸ ਨੂੰ ਸੁੱਟਣ ਲਈ ਘੱਟੋ-ਘੱਟ ਤਿੰਨ ਗੋਲੀਆਂ ਚਲਾਈਆਂ, ਜਿਸ ਤੋਂ ਬਾਅਦ ਇਹ ਵਾਪਸ ਚਲਾ ਗਿਆ।