ਤਾਨਾਸ਼ਾਹੀ ਖ਼ਿਲਾਫ਼ ਸਿਰਫ਼ ਇਨਕਲਾਬੀ ਪਾਰਟੀਆਂ ਹੀ ਲੜ ਸਕਦੀਆਂ ਹਨ: ਠਾਕੁਰ
ਪੱਤਰ ਪ੍ਰੇਰਕ
ਮਾਨਸਾ, 18 ਅਪਰੈਲ
ਸੀ.ਪੀ.ਆਈ (ਐਮ.ਐਲ) ਜਨਦਿਸ਼ਾ ਦੇ ਕੌਮੀ ਜਨਰਲ ਸਕੱਤਰ ਪ੍ਰਦੀਪ ਸਿੰਘ ਠਾਕੁਰ ਨੇ ਕਿਹਾ ਕਿ ਤਾਨਾਸ਼ਾਹੀ ਖਿਲਾਫ਼ ਸਿਰਫ ਇਨਕਲਾਬੀ ਪਾਰਟੀਆਂ ਹੀ ਲੜ ਸਕਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਤਾਨਾਸ਼ਾਹੀ ਨੂੰ ਲੋਕ ਲਹਿਰਾਂ ਹੀ ਖ਼ਤਮ ਕਰਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਭਾਰਤ ਅੱਜ ਬਾਰੂਦ ਦੇ ਢੇਰ ’ਤੇ ਬੈਠਾ ਹੈ ਜਿਸ ਵਿੱਚ ਬੇਰੁਜ਼ਗਾਰੀ, ਮਹਿੰਗਾਈ, ਪੜ੍ਹਾਈ, ਦਵਾਈ ਆਮ ਆਦਮੀ ਲਈ ਸਿਰਦਰਦ ਬਣੀਆਂ ਹੋਈਆਂ ਹਨ ਪਰ ਸਰਕਾਰ ਧਰਮ ਦਾ ਨਾਮ ਵਰਤ ਕੇ ਸੱਤਾ ਵਿਚ ਆਉਣਾ ਚਾਹੁੰਦੀ ਹੈ। ਉਹ ਮਾਨਸਾ ਵਿੱਚ ਪਾਰਟੀ ਦੀ ਇੱਕ ਮੀਟਿੰਗ ਨੂੰ ਸੰਬੋਧਨ ਕਰ ਰਹੇ ਸਨ। ਸ੍ਰੀ ਠਾਕੁਰ ਨੇ ਦੱਸਿਆ ਕਿ ਪੰਜਾਬ ਵਿੱਚ 11 ਮੈਂਬਰੀ ਸੂਬਾ ਕਮੇਟੀ ਬਣਾਈ ਜਿਸ ਵਿਚ ਜਾਗਰ ਸਿੰਘ ਮਾਖਾ, ਸ਼ਿਵਚਰਨ ਦਾਸ ਸੂਚਨ, ਰਾਮ ਸਿੰਘ ਰੱਲਾ, ਰਜਿੰਦਰ ਭੰਮਾ, ਸੂਰਜ ਸਿੰਘ ਨਕੋਦਰ, ਕਰਨਵੀਰ ਸਿੰਘ ਜਲੰਧਰ, ਗੁਰਪ੍ਰੀਤ ਕੌਰ ਫਤਿਹਗੜ੍ਹ ਸਾਹਿਬ, ਜੀਵਨ ਸਿੰਘ ਗੇਹਲੇ, ਸੋਹਣ ਸਿੰਘ ਭੁਪਾਲ, ਜਲੌਰ ਸਿੰਘ ਦੂਲੋਵਾਲ, ਸ਼੍ਰੀ ਸਦਾ ਲੁਧਿਆਣਾ ਸ਼ਾਮਲ ਹਨ। ਉਨ੍ਹਾਂ ਦੱਸਿਆ ਕਿ ਕਾਮਰੇਡ ਜਾਗਰ ਸਿੰਘ ਨੂੰ ਸੂਬਾ ਸਕੱਤਰ, ਰਾਮ ਸਿੰਘ ਸਿੰਘ ਰੱਲਾ ਨੂੂੰ ਵਿੱਤ ਸਕੱਤਰ ਅਤੇ ਸ਼ਿਵਚਰਨ ਦਾਸ ਸੂਚਨ ਨੂੰ ਪ੍ਰੈਸ ਸਕੱਤਰ ਬਣਾਇਆ ਗਿਆ। ਉਨ੍ਹਾਂ ਕਿਹਾ ਕਿ ਪਾਰਟੀ ਪੰਜਾਬ ਵਿਚ ਇਜਲਾਸ ਤੱਕ ਇਸ ਦਾ ਵਿਸਥਾਰ ਕਰੇਗੀ।