ਸੜਕ ਹਾਦਸੇ ’ਚ ਇੱਕ ਹਲਾਕ, ਇਕ ਜ਼ਖ਼ਮੀ

ਪੱਤਰ ਪ੍ਰੇਰਕ
ਡੱਬਵਾਲੀ, 21 ਜੂਨ

ਇੱਥੇ ਸਿਰਸਾ ਰੋਡ ’ਤੇ ਸਟੇਡੀਅਮ ਦੇ ਨੇੜੇ ਨਿੱਜੀ ਬੱਸ ਅਤੇ ਸਕੂਟਰੀ ਦੀ ਟੱਕਰ ’ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਜਦਕਿ ਦੂਜਾ ਗੰਭੀਰ ਜ਼ਖ਼ਮੀ ਹੈ। ਜਾਣਕਾਰੀ ਅਨੁਸਾਰ ਅੱਜ ਦੀਵਾਨਖੇੜਾ ਵਾਸੀ 42 ਸਾਲਾ ਨਾਜਰ ਸਿੰਘ ਅਤੇ ਖੂਈਆਂ ਮਲਕਾਣਾ ਵਾਸੀ ਪੇ੍ਮ ਕੁਮਾਰ ਸਕੂਟਰੀ ’ਤੇ ਸਿਰਸਾ ਰੋਡ ’ਤੇ ਸਟੇਡੀਅਮ ਕੋਲ ਜਾ ਰਹੇ ਸਨ। ਪਿੱਛਿਓਂ ਆਉਂਦੀ ਇੱਕ ਡੱਬਵਾਲੀ-ਮੱਤੜ ਰੂਟ ਦੀ ਬੱਸ ਨੰਬਰ ਐਚ.ਆਰ. 57-ਏ/5308 ਨੇ ਟੱਕਰ ਮਾਰ ਦਿੱਤੀ। ਘਟਨਾ ’ਚ ਪ੍ਰੇਮ ਕੁਮਾਰ ਦੀ ਮੌਤ ਹੋ ਗਈ। ਜਦਕਿ ਨਾਜਰ ਸਿੰਘ ਨੂੰ ਗੰਭੀਰ ਹਾਲਤ ’ਚ ਸਿਰਸਾ ਰੈਫ਼ਰ ਕਰ ਦਿੱਤਾ ਗਿਆ। ਸਿਟੀ ਪੁਲੀਸ ਅਨੁਸਾਰ ਮ੍ਰਿਤਕ ਦੇ ਭਤੀਜੇ ਵਿਸ਼ਾਲ ਮਹਿਤਾ ਦੇ ਬਿਆਨਾਂ ’ਤੇ ਕੇਸ ਦਰਜ ਕੀਤਾ ਹੈ।