ਹਿੰਦੂਆਂ ਨੂੰ ਧਮਕੀ ਮਾਮਲੇ ’ਤੇ ਕੈਨੇਡਾ ਨੇ ਕਿਹਾ,‘ਦੇਸ਼ ’ਚ ਨਫ਼ਰਤ ਤੇ ਡਰਾਉਣ ਵਾਲੀਆਂ ਕਾਰਵਾਈਆਂ ਲਈ ਕੋਈ ਥਾਂ ਨਹੀਂ’

ਟੋਰਾਂਟੋ, 22 ਸਤੰਬਰ
ਹਿੰਦੂਆਂ ਨੂੰ ਦੇਸ਼ ਛੱਡਣ ਦੀ ਧਮਕੀ ਦੇਣ ਵਾਲੀ ਆਨਲਾਈਨ ਵੀਡੀਓ ਸਾਹਮਣੇ ਆਉਣ 'ਤੇ ਕੈਨੇਡਾ ਨੇ ਅੱਜ ਕਿਹਾ ਹੈ ਕਿ ਦੇਸ਼ ਵਿੱਚ ਹਮਲਾਵਰ ਰੁਖ਼, ਨਫ਼ਰਤ, ਧਮਕੀ ਜਾਂ ਡਰਾਉਣ ਵਾਲੀਆਂ ਕਾਰਵਾਈਆਂ ਲਈ ਕੋਈ ਥਾਂ ਨਹੀਂ ਹੈ। ਜਨਤਕ ਸੁਰੱਖਿਆ ਵਿਭਾਗ ਕੈਨੇਡਾ ਨੇ ਕਿਹਾ ਕਿ ਵੀਡੀਓ ਦਾ ਪ੍ਰਸਾਰਨ ਅਪਮਾਨਜਨਕ ਅਤੇ ਨਫ਼ਰਤ ਭਰਿਆ ਹੈ ਅਤੇ ਸਾਰੇ ਕੈਨੇਡੀਅਨਾਂ ਅਤੇ ਦੇਸ਼ ਦੀਆਂ ਕਦਰਾਂ-ਕੀਮਤਾਂ ਲਈ ਸ਼ਰਮਨਾਕ ਹੈ। ਵਿਭਾਗ ਨੇ ਕਿਹਾ ਕਿ ਕੈਨੇਡਾ ’ਚ ਨਫ਼ਰਤ ਲਈ ਕੋਈ ਥਾਂ ਨਹੀਂ ਹੈ।