ਸ਼ਾਹਰੁਖ਼ ਖ਼ਾਨ ਨੇ ਅੱਜ ਆਪਣੇ 58ਵੇਂ ਜਨਮ ਦਿਨ ’ਤੇ ਪ੍ਰਸ਼ੰਸਕਾਂ ਨੂੰ ਕਿਹਾ,‘ਮੈਂ ਤੁਹਾਡੇ ਪਿਆਰ ਦਾ ਮੁਰੀਦ ਹਾਂ’

ਮੁੰਬਈ, 2 ਨਵੰਬਰ
ਬਾਲੀਵੁੱਡ ਅਭਿਨੇਤਾ ਸ਼ਾਹਰੁਖ ਖਾਨ ਨੇ ਆਪਣੇ 58ਵੇਂ ਜਨਮ ਦਿਨ 'ਤੇ ਉਨ੍ਹਾਂ ਦੇ ਘਰ ਦੇ ਬਾਹਰ ਇਕੱਠੇ ਹੋਏ ਸੈਂਕੜੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ, ‘ਮੈਂ ਸਿਰਫ ਇਕ ਅਭਿਨੇਤਾ ਹਾਂ।’ ਅਭਿਨੇਤਾ ਆਪਣੀ ਰਿਹਾਇਸ਼ 'ਮੰਨਤ' ਤੋਂ ਬਾਹਰ ਆਇਆ ਅਤੇ ਉਨ੍ਹਾਂ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ ਆਪਣੇ ਮਹਬਿੂਬ ਅਦਾਕਾਰ ਦੀ ਝਲਕ ਪਾਉਣ ਲਈ ਬੇਤਾਬ ਸਨ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀਡੀਓ 'ਚ ਸ਼ਾਹਰੁਖ ਦੇ ਬਾਂਦਰਾ ਸਥਤਿ ਘਰ 'ਮੰਨਤ' ਦੇ ਬਾਹਰ ਸੈਂਕੜੇ ਪ੍ਰਸ਼ੰਸਕ ਇਕੱਠੇ ਹੋਏ ਦਿਖਾਈ ਦੇ ਰਹੇ ਹਨ। ਅਭਿਨੇਤਾ ਨੇ ਵੀ ਆਪਣੇ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਨਹੀਂ ਕੀਤਾ। ਉਹ ਰਿਹਾਇਸ਼ ਤੋਂ ਬਾਹਰ ਆਇਆ, ਹੱਥ ਜੋੜ ਕੇ ਸਭ ਦਾ ਸ਼ੁਕਰੀਆ ਅਦਾ ਕੀਤਾ ਤੇ ਫਿਰ ਆਪਣੇ ਪ੍ਰਸਿੱਧ ਅੰਦਾਜ਼ ਵਿੱਚ ਪ੍ਰਸ਼ੰਸਕਾਂ ਨੂੰ ਬਾਹਾਂ ਫੈਲਾਅ ਕੇ ਸਵਾਗਤ ਕੀਤਾ। ਉਸ ਨੇ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਸੰਦੇਸ਼ ਵੀ ਲਿਖਿਆ। ਉਸ ਨੇ ਕਿਹਾ, ‘ਇਹ ਅਵਿਸ਼ਵਾਸ਼ਯੋਗ ਹੈ ਕਿ ਤੁਹਾਡੇ ਵਿੱਚੋਂ ਬਹੁਤ ਸਾਰੇ ਲੋਕ ਮੈਨੂੰ ਸ਼ੁਭਕਾਮਨਾਵਾਂ ਦੇਣ ਲਈ ਦੇਰ ਰਾਤ ਇੱਥੇ ਆਏ ਸਨ। ਮੈਂ ਸਿਰਫ਼ ਇੱਕ ਅਦਾਕਾਰ ਹਾਂ। ਮੈਂ ਤੁਹਾਡੇ ਪਿਆਰ ਦਾ ਮੁਰੀਦ ਹਾਂ।’