ਠੱਗੀ ਦੇ ਦੋਸ਼ ਹੇਠ ਉੜੀਸਾ ਵਾਸੀ ਨਾਮਜ਼ਦ

ਗੁਰੂਸਰ ਸੁਧਾਰ: ਲੁਧਿਆਣਾ (ਦਿਹਾਤੀ) ਪੁਲੀਸ ਦੇ ਸਾਈਬਰ ਸੈੱਲ ਦੀ ਰਿਪੋਰਟ ਦੇ ਅਧਾਰ ’ਤੇ ਜ਼ਿਲ੍ਹਾ ਪੁਲੀਸ ਮੁਖੀ ਨਵਨੀਤ ਸਿੰਘ ਬੈਂਸ ਦੇ ਹੁਕਮਾਂ ’ਤੇ ਉੜੀਸਾ ਵਾਸੀ ਮਾਨਸ ਜੀਨਾ ਪੁੱਤਰ ਪਰੀ ਜੀਨਾ ਖ਼ਿਲਾਫ਼ 5 ਲੱਖ ਰੁਪਏ ਧੋਖੇ ਨਾਲ ਬੈਂਕ ਖਾਤੇ ’ਚੋਂ ਕੱਢ ਲੈਣ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਹੈ। ਜਾਂਚ ਅਫ਼ਸਰ ਥਾਣੇਦਾਰ ਬਲਜੀਤ ਸਿੰਘ ਅਨੁਸਾਰ ਪਿੰਡ ਗੁੱਜਰਵਾਲ ਵਾਸੀ ਰੁਪਿੰਦਰਜੀਤ ਕੌਰ ਨੇ ਸ਼ਿਕਾਇਤ ਵਿੱਚ ਦੱਸਿਆ ਸੀ ਕਿ ਖ਼ੁਦ ਨੂੰ ਬੈਂਕ ਅਧਿਕਾਰੀ ਦੱਸਣ ਵਾਲੇ ਨੇ ਧੋਖੇ ਨਾਲ ਉਸ ਦਾ ਪਾਸਵਰਡ ਹਾਸਲ ਕਰ ਲਿਆ ਤੇ 5 ਲੱਖ ਰੁਪਏ ਆਪਣੇ ਖਾਤੇ ਵਿੱਚ ਤਬਦੀਲ ਕਰ ਲਈ ਸੀ। -ਪੱਤਰ ਪ੍ਰੇਰਕ