ਨੂਹ ਹਿੰਸਾ: ਪਲਵਲ ਮਹਾਪੰਚਾਇਤ ’ਚ ਭੜਕਾਊ ਭਾਸ਼ਨ ਦੇਣ ਵਾਲਿਆਂ ਖ਼ਿਲਾਫ਼ ਕੇਸ ਦਰਜ

ਗੁਰੂਗ੍ਰਾਮ/ਪਲਵਲ, 17 ਅਗਸਤ
ਹਰਿਆਣਾ ਦੇ ਪਲਵਲ ਵਿੱਚ 13 ਅਗਸਤ ਨੂੰ ‘ਸਰਵ ਹਿੰਦੂ ਸਮਾਜ ਮਹਾਪੰਚਾਇਤ’ ਵਿੱਚ ਭੜਕਾਊ ਭਾਸ਼ਨ ਦੇਣ ਲਈ ਪੁਲੀਸ ਨੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਐੱਫਆਈਆਰ ਦਰਜ ਕੀਤੀ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਐੱਫਆਈਆਰ ਪ੍ਰੋਬੇਸ਼ਨਰੀ ਸਬ-ਇੰਸਪੈਕਟਰ (ਪੀਐੱਸਆਈ) ਸਚਿਨ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਦਰਜ ਕੀਤੀ ਗਈ ਸੀ, ਜਿਸ ਨੇ ਦੋਸ਼ ਲਾਇਆ ਕਿ ਪਿੰਡ ਪੋਂਡਰੀ ਵਿੱਚ ਮੀਟਿੰਗ ਦੌਰਾਨ ਕੁਝ ਲੋਕਾਂ ਨੇ ਦੂਜੇ ਭਾਈਚਾਰੇ ਦੇ ਲੋਕਾਂ ਵਿਰੁੱਧ ਭੜਕਾਊ ਭਾਸ਼ਨ ਦਿੱਤੇ ਸਨ।