ਐੱਨਆਰਆਈ ਨੇ ਮਾਂ ਤੇ ਭਰਾ ਵਿਰੁੱਧ ਚੋਰੀ ਦਾ ਮਾਮਲਾ ਦਰਜ ਕਰਵਾਇਆ

ਨਿੱਜੀ ਪੱਤਰ ਪ੍ਰੇਰਕ
ਕਪੂਰਥਲਾ, 2 ਨਵੰਬਰ
ਥਾਣਾ ਸੁਭਾਨਪੁਰ ਵਿੱਚ ਇੰਗਲੈਂਡ ਤੋਂ ਆਏ ਵਿਅਕਤੀ ਨੇ ਆਪਣੀ ਮਾਤਾ ਅਤੇ ਭਰਾ ਸਮੇਤ ਚਾਰ ਪੰਜ ਅਣਪਛਾਤਿਆਂ ਖ਼ਿਲਾਫ਼ ਉਸ ਦੇ ਘਰ ਚੋਰੀ ਕਰਨ ਦਾ ਪਰਚਾ ਦਰਜ ਕਰਵਾਇਆ ਹੈ। ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਹਰਨੇਕ ਸਿੰਘ ਵਾਸੀ ਸੁਭਾਨਪੁਰ ਨੇ ਦੱਸਿਆ ਕਿ ਉਹ ਪਰਿਵਾਰ ਸਮੇਤ ਇੰਗਲੈਂਡ ਰਹਿੰਦਾ ਹੈ। 29 ਅਕਤੂਬਰ ਨੂੰ ਉਹ ਭਾਰਤ ਆਇਆ ਅਤੇ ਉਸ ਨੂੰ ਵੀਡੀਓ ਫੂਟੇਜ ਤੋਂ ਪਤਾ ਲੱਗਿਆ ਕਿ ਸੁਭਾਨਪੁਰ ਵਾਲੇ ਮਕਾਨ ਵਿੱਚੋਂ ਉਸ ਦੇ ਭਰਾ ਸਤਨਾਮ ਸਿੰਘ ਤੇ ਉਸ ਦੀ ਮਾਤਾ ਕਰਮਜੀਤ ਕੌਰ ਨੇ ਚਾਰ ਪੰਜ ਅਣਪਛਾਤਿਆਂ ਨਾਲ ਮਿਲ ਕੇ ਸਾਮਾਨ, ਸੋਨਾ, ਨਕਦੀ ਅਤੇ ਰੌਂਦ 2 ਜੂਨ ਨੂੰ ਚੋਰੀ ਕੀਤੇ। ਪੁਲੀਸ ਨੇ ਇਸ ਸਬੰਧੀ ਕੇਸ ਦਰਜ ਕਰ ਲਿਆ ਹੈ।