ਹੁਣ ਹੁਸ਼ਿਆਰਪੁਰ ਤੋਂ ਆਗਰਾ ਤੱਕ ਜਾਵੇਗੀ ਸਿੱਧੀ ਰੇਲ ਗੱਡੀ

ਪੱਤਰ ਪ੍ਰੇਰਕ
ਜਲੰਧਰ, 25 ਅਗਸਤ
ਹੁਸ਼ਿਆਰਪੁਰ ਤੋਂ ਦਿੱਲੀ ਜਾਣ ਵਾਲੀ ਰੇਲ ਗੱਡੀ ਹੁਣ ਆਗਰਾ ਤੱਕ ਜਾਏਗੀ ਜਿਸ ਨਾਲ ਜਲੰਧਰ ਜ਼ਿਲ੍ਹੇ, ਹੁਸ਼ਿਆਪੁਰ ਵਾਸੀਆਂ ਨੂੰ ਮਥੁਰਾ ਜਾਣ ਲਈ ਸਿੱਧੀ ਰੇਲ ਗੱਡੀ ਦੀ ਸਹੁੂਲਤ ਮਿਲ ਜਾਵੇਗੀ। ਰੇਲਵੇ ਅਧਿਕਾਰੀ ਨੇ ਦੱਸਿਆ ਕਿ 14012 ਨੰਬਰ ਰੇਲ ਗੱਡੀ ਪਹਿਲਾਂ ਪੁਰਾਣੀ ਦਿੱਲੀ ਤੱਕ ਜਾਂਦੀ ਸੀ ਪਰ ਹੁਣ ਵਿਭਾਗ ਵਲੋਂ ਇਸ ਗੱਡੀ ਨੂੰ ਨਵੀਂ ਦਿੱਲੀ ਰਸਤੇ ਆਗਰਾ ਤੱਕ ਭੇਜਣ ਦਾ ਫੈਸਲਾ ਕੀਤਾ ਹੈ।
ਜੋ ਕਿ 26 ਅਗਸਤ ਨੂੰ ਰਾਤ 10.25 ’ਤੇ ਹੁਸ਼ਿਆਰਪੁਰ ਤੋਂ ਚਲੇਗੀ ਤੇ ਸਵੇਰੇ 10.50’ਤੇ ਆਗਰਾ ਪਹੁੰਚੇਗੀ। ਆਗਰਾ ਤੋਂ ਇਹ ਗੱਡੀ 14011 ਸ਼ਾਮ 7.10 ਵਜੇ ਚਲੇਗੀ ਤੇ ਸਵਰੇ 7.20 ’ਤੇ ਜਲੰਧਰ ਅਤੇ 9.20’ਤੇ ਹੁਸ਼ਿਆਰਪੁਰ ਪਹੁੰਚੇਗੀ। ਆਗਰਾ ਤੱਕ ਇਸ ਰੇਲ ਗੱਡੀ ਨੂੰ ਕਰਨ’ਤੇ ਲੋਕਾਂ ਨੇ ਰੇਲ ਮੰਤਰੀ ਦਾ ਧੰਨਵਾਦ ਕੀਤਾ ਹੈ।