ਮਰਿਆ ਨਹੀਂ ਹਾਂ: ਅਕਸ਼ੈ ਕੁਮਾਰ

ਮੁੰਬਈ:

ਅਦਾਕਾਰ ਅਕਸ਼ੈ ਕੁਮਾਰ ਦੀ ਆਉਣ ਵਾਲੀ ਫਿਲਮ ‘ਖੇਲ ਖੇਲ ਮੇਂ’ ਦਾ ਟਰੇਲਰ ਅੱਜ ਇੱਥੇ ਰਿਲੀਜ਼ ਕੀਤਾ ਗਿਆ। ਟਰੇਲਰ ਰਿਲੀਜ਼ ਸਮਾਗਮ ਦੌਰਾਨ ਉਸ ਨੇ ਬਾਕਸ ਆਫਿਸ ’ਤੇ ਬਹੁਤੀ ਕਮਾਈ ਨਾ ਕਰਨ ਵਾਲੀਆਂ ਆਪਣੀਆਂ ਕੁਝ ਆਖਰੀ ਫਿਲਮਾਂ ਬਾਰੇ ਕਿਹਾ, ‘‘ਚਾਰ ਫਿਲਮਾਂ ਚੱਲੀਆਂ ਤੇ ਪੰਜ ਨਹੀਂ ਚੱਲੀਆਂ। ਅਜਿਹੇ ਮੈਸੇਜ ਆਉਂਦੇ ਹਨ ਕਿ ਸੌਰੀ ਯਾਰ, ਫਿਕਰ ਨਾ ਕਰੀਂ। ਸਭ ਠੀਕ ਹੋ ਜਾਵੇਗਾ।’ ਮਰਿਆ ਨਹੀਂ ਹਾਂ ਮੈਂ।’’ ਜ਼ਿਕਰਯੋਗ ਹੈ ਕਿ ਫਿਲਮ ‘ਖੇਲ ਖੇਲ ਮੇਂ’ ਪਹਿਲਾਂ ਸਤੰਬਰ ਵਿੱਚ ਰਿਲੀਜ਼ ਹੋਣੀ ਸੀ ਪਰ ਹੁਣ 15 ਅਗਸਤ ਨੂੰ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣਨ ਜਾ ਰਹੀ ਹੈ। -ਏਐੱਨਆਈ