ਜ਼ਿਮਨੀ ਚੋਣ ਲਈ ਯੂਟਿਊਬਰ ਵੱਲੋਂ ਨਾਮਜ਼ਦਗੀ ਪੱਤਰ ਦਾਖ਼ਲ

ਨਿੱਜੀ ਪੱਤਰ ਪ੍ਰੇਰਕ
ਸ੍ਰੀ ਮੁਕਤਸਰ ਸਾਹਿਬ, 23 ਅਕਤੂਬਰ
ਸੋਸ਼ਲ ਮੀਡੀਆ ’ਤੇ ਯੂਟਿਊਬਰ ਵਜੋਂ ਜਾਣੀ-ਪਛਾਣੀ ਹਸਤੀ ਗੁਰਪ੍ਰੀਤ ਸਿੰਘ ਨੇ ਗਿਦੜਬਾਹਾ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਆਪਣੇ ਨਾਮਜ਼ਦਗੀ ਪੱਤਰ ਦਾਖ਼ਲ ਕਰ ਦਿੱਤੇ ਹਨ। ਯੂ. ਟਿਊਬ ’ਤੇ ਉਨ੍ਹਾਂ ਗੁਰਪ੍ਰੀਤ ਕੋਟਲੀ ਵਜੋਂ ਜਾਣਿਆ ਜਾਂਦਾ ਹੈ। ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਤੋਂ ਐੱਮਐੱਸਸੀ (ਫਿਜ਼ਿਕਸ) ਪਾਸ ਗੁਰਪ੍ਰੀਤ ਕੋਟਲੀ ਨੇ ਦੱਸਿਆ ਕਿ ਉਹ 2022 ਵਿੱਚ ਵੀ ਗਿੱਦੜਬਾਹਾ ਤੋਂ ਵਿਧਾਇਕ ਵਜੋਂ ਹੋਣ ਲੜ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਨੂੰ ਜ਼ਿੰਮੇਵਾਰੀ ਸੌਂਪੀ ਸੀ ਉਨ੍ਹਾਂ ਸਮਾਜ ਦਾ ਕੋਈ ਸੁਧਾਰ ਨਹੀਂ ਕੀਤੀ ਤੇ ਹੁਣ ਉਹ ਖੁਦ ਮਦਾਨ ਵਿੱਚ ਆਉਣਾ ਚਾਹੁੰਦੇ ਹਨ। ਉਨ੍ਹਾਂ ਦੀ ‘ਹੋਮ ਟਵੀਟਰ ਟੀਚਰ’ ਪਤਨੀ ਸੰਦੀਪ ਕੌਰ ਵੀ ਉਨ੍ਹਾਂ ਦੀ ਚੋਣ ਮਹਿੰਮ ’ਚ ਸ਼ਾਮਲ ਹੈ। ਗਿੱਦੜਬਾਹਾ ਤੋਂ ਗੁਰਪ੍ਰੀਤ ਸਿੰਘ ਸਣੇ ਰਜੇਸ਼ ਗਰਗ ਅਤੇ ਓਮ ਪ੍ਰਕਾਸ਼ ਨੇ ਆਜ਼ਾਦ ਉਮੀਦਵਾਰ ਵਜੋਂ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਹਨ।