ਐੱਨਆਈਏ ਵੱਲੋਂ ਤੇਲੰਗਾਨਾ ਤੇ ਆਂਧਰਾ ਪ੍ਰਦੇਸ਼ ਵਿੱਚ ਛਾਪੇ; ਮਾਓਵਾਦੀ ਆਗੂ ਗ੍ਰਿਫ਼ਤਾਰ

ਨਵੀਂ ਦਿੱਲੀ, 2 ਅਕਤੂਬਰ
ਕੌਮੀ ਜਾਂਚ ਏਜੰਸੀ (ਐੱਨਆਈਏ) ਨੇ ਅੱਜ ਤੇਲੰਗਾਨਾ ਤੇ ਆਂਧਰਾ ਪ੍ਰਦੇਸ਼ ਵਿੱਚ 62 ਥਾਈਂ ਛਾਪੇ ਮਾਰੇ ਤੇ ਇਕ ਮਾਓਵਾਦੀ ਆਗੂ ਨੂੰ ਗ੍ਰਿਫ਼ਤਾਰ ਕੀਤਾ। ਇਹ ਛਾਪੇ ਸੀਪੀਆਈ (ਮਾਓਵਾਦੀ) ਸਾਜ਼ਿਸ਼ ਕੇਸ ਨਾਲ ਸਬੰਧਤ ਸਨ। ਪੂਰਾ ਦਨਿ ਚੱਲੀ ਕਾਰਵਾਈ ਦੌਰਾਨ ਵਧੇਰੇ ਛਾਪੇ ਆਂਧਰਾ ਪ੍ਰਦੇਸ਼ ਵਿੱਚ ਮਾਰੇ ਗਏ ਅਤੇ ਹਥਿਆਰ, ਨਕਦੀ ਤੇ ਭੜਕਾਊ ਦਸਤਾਵੇਜ਼ ਬਰਾਮਦ ਕੀਤੇ ਗਏ। ਇਸੇ ਦੌਰਾਨ ਪ੍ਰਗਤੀਸੀਲਾ ਕਰਮਿਕਾ ਸਮਾਕਿਆ (ਪੀਕੇਐੱਸ) ਦੀ ਕਾਰਜਕਰਨੀ ਕਮੇਟੀ ਦੇ ਸੂਬਾਈ ਮੈਂਬਰ ਚੰਦਰ ਨਾਰਸਿਮਹੁਲੂ ਨੂੰ ਆਂਧਰਾ ਪ੍ਰਦੇਸ਼ ਦੇ ਸੱਤਿਆ ਸਾਈ ਜ਼ਿਲ੍ਹੇ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਪੁਲੀਸ ਨੇ ਇਸੇ ਥਾਂ ਤੋਂ ਇਕ ਪਿਸਤੌਲ ਤੇ 14 ਕਾਰਤੂਸ ਬਰਾਮਦ ਕੀਤੇ ਅਤੇ ਕਡੱਪਾ ਜ਼ਿਲ੍ਹੇ ਵਿੱਚ ਇਕ ਅਦਾਰੇ ਤੋਂ 13 ਲੱਖ ਰੁਪਏ, ਮਾਓਵਾਦੀ ਸਾਹਿਤ ਤੇ ਹੋਰ ਦਸਤਾਵੇਜ਼ ਬਰਾਮਦ ਕੀਤੇ। -ਪੀਟੀਆਈ