ਐੱਨਆਈਏ ਵੱਲੋਂ ਆਈਐੱਸਆਈਐੱਸ ਨਾਲ ਸਬੰਧਤ 15 ਵਿਅਕਤੀ ਗ੍ਰਿਫ਼ਤਾਰ

ਨਵੀਂ ਦਿੱਲੀ, 9 ਦਸੰਬਰ
ਕੌਮੀ ਜਾਂਚ ਏਜੰਸੀ ਨੇ ਅੱਜ ਅਤਿਵਾਦੀ ਜਥੇਬੰਦੀ ਆਈਐੱਸਆਈਐੱਸ ਖ਼ਿਲਾਫ਼ ਵੱਡੀ ਕਾਰਵਾਈ ਕਰਦਿਆਂ ਮਹਾਰਾਸ਼ਟਰ ਤੇ ਕਰਨਾਟਕ ਵਿੱਚ ਵੱਖ ਵੱਖ ਥਾਵਾਂ ’ਤੇ ਛਾਪੇ ਮਾਰ ਕੇ ਜਥੇਬੰਦੀ ਨਾਲ ਸਬੰਧਤ 15 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਏਜੰਸੀ ਦੇ ਬੁਲਾਰੇ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਵਿੱਚ ਆਈਐਸਆਈਐੱਸ ਮਡਿਊਲ ਦਾ ਇਕ ਆਗੂ ਵੀ ਸ਼ਾਮਲ ਹੈ ਜੋ ਨਵੇਂ ਭਰਤੀ ਹੋਣ ਵਾਲਿਆਂ ਨੂੰ ਵਫਾਦਾਰੀ ਦੀ ਸਹੁੰ (ਬਯਾਥ) ਚੁਕਵਾਉਂਦਾ ਸੀ। ਅਧਿਕਾਰੀ ਨੇ ਦੱਸਿਆ ਕਿ ਐੱਨਆਈਏ ਦੀਆਂ ਕਈ ਟੀਮਾਂ ਨੇ ਮਹਾਰਾਸ਼ਟਰ ਦੇ ਪਡਘਾ-ਬੋਰੀਵਲੀ, ਠਾਣੇ, ਮੀਰਾ ਰੋਡ ਤੇ ਪੁਣੇ ਅਤੇ ਕਰਨਾਟਕ ਦੇ ਬੰਗਲੂਰੂ ’ਚ ਅੱਜ ਸਵੇਰੇ 44 ਥਾਵਾਂ ’ਤੇ ਛਾਪੇ ਮਾਰੇ ਅਤੇ 15 ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। -ਪੀਟੀਆਈ