ਕਾਂਗਰਸ ਵੱਲੋਂ ਧੂਰੀ ’ਚ ਨਵੀਆਂ ਨਿਯੁਕਤੀਆਂ

ਹਰਦੀਪ ਸਿੰਘ ਸੋਢੀ
ਧੂਰੀ, 25 ਨਵੰਬਰ
ਕਾਂਗਰਸ ਪਾਰਟੀ ਦੇ ਐੱਸਸੀ ਸੈੱਲ ਵੱਲੋਂ ਧੂਰੀ ਵਿਧਾਨ ਸਭਾ ਹਲਕੇ ਵਿੱਚ ਅਹਿਮ ਨਿਯੁਕਤੀਆਂ ਕੀਤੀਆਂ ਹਨ। ਕਾਂਗਰਸ ਪਾਰਟੀ ਦੇ ਪੀਪੀਸੀ ਮੈਂਬਰ ਅੰਮ੍ਰਿਤ ਬਰਾੜ ਕਾਂਝਲਾ ਨੇ ਕਿਹਾ ਕਿ ਪੰਜਾਬ ਕਾਂਗਰਸ ਦੇ ਸਾਬਕਾ ਕੈਬਨਿਟ ਮੰਤਰੀ ਵਿਜੇਇੰਦਰ ਸਿੰਗਲਾ ਤੇ ਕਾਂਗਰਸ ਪਾਰਟੀ ਐੱਸਸੀ ਸੈੱਲ ਦੇ ਚੇਅਰਮੈਨ ਕੁਲਦੀਪ ਸਿੰਘ ਵੈਦ ਵੱਲੋਂ ਰਾਮ ਸਿੰਘ ਧੰਦੀਵਾਲ ਨੂੰ ਐੱਸਸੀ ਸੈੱਲ ਸੰਗਰੂਰ ਦਾ ਵਾਇਸ ਚੇਅਰਮੈਨ ਤੇ ਦੀਦਾਰ ਸਿੰਘ ਕਾਂਝਲਾ ਨੂੰ ਐੱਸਸੀ ਸੈੱਲ ਬਲਾਕ ਧੂਰੀ ਸ਼ਹਿਰ-1 ਦਾ ਚੈਅਰਮੈਨ, ਜਸਵੀਰ ਸਿੰਘ ਭੁੱਲਰਹੇੜੀ ਨੂੰ ਐੱਸਐੱਸ ਸੈੱਲ ਬਲਾਕ-2 ਧੂਰੀ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਭਵਿੱਖ ਵਿੱਚ ਅਹਿਮ ਨਿਯੁਕਤੀਆਂ ਜਲਦੀ ਕੀਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਹਰ ਵਰਗ ਦੇ ਲੋਕਾਂ ਨੂੰ ਪਾਰਟੀ ਵਿੱਚ ਬਣਦਾ ਮਾਣ ਸਤਿਕਾਰ ਦਿੰਦੀ ਆਈ ਹੈ। ਅੰਮ੍ਰਿਤ ਬਰਾੜ ਨੇ ਕਿਹਾ ਜ਼ਿਮਨੀ ਚੋਣ ਵਿੱਚ ਬਰਨਾਲਾ ਹਲਕੇ ਵਿੱਚ ਲੋਕਾਂ ਨੇ ‘ਆਪ’ ਪਾਰਟੀ ਦਾ ਗੜ੍ਹ ਤੋੜ ਕੇ ਇਸ ਸੀਟ ਨੂੰ ਕਾਂਗਰਸ ਦੀ ਚੋਲੀ ਪਾਇਆ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਅੰਦਰ ਕਾਂਗਰਸ ਪਾਰਟੀ ਦਾ ਸਿਆਸੀ ਗ੍ਰਾਫ ਦਿਨੋਂ ਦਿਨ ਵੱਧਦਾ ਜਾ ਰਿਹਾ। ਇਸ ਮੌਕੇ ਚਮਕੌਰ ਸਿੰਘ ਜੱਸੀ ਚੈਅਰਮੈਨ ਸੰਗਰੂਰ, ਦਰਬਾਰਾ ਸਿੰਘ ਹਾਜ਼ਰ ਸਨ।