40 ਸਾਲਾਂ ਦੇ ਸਿਆਸੀ ਕਰੀਅਰ ਦੌਰਾਨ ਝੂਠ ਬੋਲਣ ਵਾਲਾ ਪ੍ਰਧਾਨ ਮੰਤਰੀ ਨਹੀਂ ਦੇਖਿਆ: ਸਿਧਾਰਮੱਈਆ
09:29 PM Jun 29, 2023 IST
Advertisement
ਸਾਂਗਲੀ, 25 ਜੂਨ
Advertisement
ਕਰਨਾਟਕ ਦੇ ਮੁੱਖ ਮੰਤਰੀ ਸਿਧਾਰਮੱਈਆ ਨੇ ਕੇਂਦਰ ਦੀ ਨਰਿੰਦਰ ਮੋਦੀ ਸਰਕਾਰ ਨੂੰ ਘੇਰਦੇ ਹੋਏ ਦਾਅਵਾ ਕੀਤਾ ਕਿ ਉਨ੍ਹਾਂ ਆਪਣੇ 40 ਸਾਲਾਂ ਦੇ ਸਿਆਸੀ ਕਰੀਅਰ ਦੌਰਾਨ ਅਜਿਹਾ ਪ੍ਰਧਾਨ ਮੰਤਰੀ ਨਹੀਂ ਦੇਖਿਆ, ਜੋ ‘ਝੂਠ’ ਬੋਲਦਾ ਹੋਵੇ। ਉਨ੍ਹਾਂ ਕਿਹਾ, ”ਆਪਣੀ 40 ਸਾਲਾਂ ਦੀ ਸਿਆਸੀ ਜ਼ਿੰਦਗੀ ਵਿੱਚ ਮੈਂ ਕਦੇ ਅਜਿਹਾ ਪ੍ਰਧਾਨ ਮੰਤਰੀ ਨਹੀਂ ਦੇਖਿਆ, ਜੋ ਝੂਠ ਬੋਲਦਾ ਹੋਵੇ। 2014 ਵਿੱਚ ਉਸ(ਮੋਦੀ) ਨੇ ਲੋਕਾਂ ਦੇ ਬੈਂਕ ਖਾਤਿਆਂ ਵਿੱਚ 15 ਲੱਖ ਰੁਪਏ ਜਮ੍ਹਾਂ ਕਰਨ, ਦੋ ਕਰੋੜ ਨੌਕਰੀਆਂ ਤੇ ‘ਅੱਛੇ ਦਿਨ ਲਿਆਉਣ’ ਦੀ ਗੱਲ ਕੀਤੀ। ਕੀ ਅਜਿਹਾ ਕੁਝ ਹੋਇਆ?” ਸਿਧਾਰਮੱਈਆ ਇਥੇ ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰ ਰਹੇ ਸਨ। -ਪੀਟੀਆਈ
Advertisement