ਨਮੂਨਾ ਦੇਣ ਤੋਂ ਕਦੇ ਮਨ੍ਹਾਂ ਨਹੀਂ ਕੀਤਾ: ਬਜਰੰਗ ਪੂਨੀਆ

ਨਵੀਂ ਦਿੱਲੀ: ਆਰਜ਼ੀ ਤੌਰ ’ਤੇ ਮੁਅੱਤਲ ਕੀਤੇ ਜਾਣ ਦੀਆਂ ਰਿਪੋਰਟਾਂ ਦਰਮਿਆਨ ਓਲੰਪਿਕ ’ਚ ਕਾਂਸੀ ਦਾ ਤਗ਼ਮਾ ਜੇਤੂ ਪਹਿਲਵਾਨ ਬਜਰੰਗ ਪੂਨੀਆ ਨੇ ਅੱਜ ਸਪੱਸ਼ਟ ਕੀਤਾ ਕਿ ਉਸ ਨੇ ਕਦੀ ਵੀ ਨਮੂਨਾ ਦੇਣ ਤੋਂ ਇਨਕਾਰ ਨਹੀਂ ਕੀਤਾ। ਬਜਰੰਗ ਪੂਨੀਆ ਨੇ ‘ਐਕਸ’ ’ਤੇ ਲਿਖਿਆ, ‘ਮੇਰੇ ਬਾਰੇ ਜੋ ਡੋਪ ਟੈਸਟ ਦੀ ਖ਼ਬਰ ਆ ਰਹੀ ਹੈ, ਉਸ ਲਈ ਮੈਂ ਸਪੱਸ਼ਟ ਕਰਨਾ ਚਾਹੁੰਦਾ ਹਾਂ ਕਿ ਮੈਂ ਕਦੀ ਵੀ ਨਾਡਾ ਅਧਿਕਾਰੀਆਂ ਨੂੰ ਨਮੂਨਾ ਦੇਣ ਤੋਂ ਇਨਕਾਰ ਨਹੀਂ ਕੀਤਾ। ਮੈਂ ਉਨ੍ਹਾਂ ਨੂੰ ਅਪੀਲ ਕੀਤੀ ਕਿ ਉਹ ਮੈਨੂੰ ਜਵਾਬ ਦੇਣ ਕਿ ਉਹ ਪਹਿਲਾਂ ਮੇਰਾ ਨਮੂਨਾ ਲੈਣ ਲਈ ਜੋ ਮਿਆਦ ਪੁੱਗ ਚੁੱਕੀ ਕਿੱਟ ਲਿਆਏ ਸੀ, ਉਸ ’ਤੇ ਉਨ੍ਹਾਂ ਕੀ ਕਦਮ ਚੁੱਕੇ ਜਾਂ ਕੀ ਕਾਰਵਾਈ ਕੀਤੀ। ਉਸ ਦਾ ਜਵਾਬ ਦੇਵੋ ਤੇ ਫਿਰ ਮੇਰਾ ਡੋਪ ਟੈਸਟ ਲੈ ਲਵੋ।’ -ਆਈਏਐੱਨਐੱਸ