ਨਵਾਜ਼ੂਦੀਨ ਤੇ ਅਵਨੀਤ ਦੀ ਫਿਲਮ ‘ਟਿਕੂ ਵੈਡਜ਼ ਸ਼ੇਰੂ’ 23 ਨੂੰ ਹੋਵੇਗੀ ਰਿਲੀਜ਼

ਮੁੰਬਈ: ਅਦਾਕਾਰ ਨਵਾਜ਼ੂਦੀਨ ਸਿੱਦੀਕੀ ਦੀ ਆਉਣ ਵਾਲੀ ਫਿਲਮ ‘ਟਿਕੂ ਵੈਡਜ਼ ਸ਼ੇਰੂ’ ਓਟੀਟੀ ‘ਤੇ 23 ਜੂਨ ਨੂੰ ਰਿਲੀਜ਼ ਹੋਵੇਗੀ। ਇਸ ਫਿਲਮ ਵਿੱਚ ਸਿੱਦੀਕੀ ਨਾਲ ਅਵਨੀਤ ਕੌਰ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। ਇਹ ਫਿਲਮ ਟਿਕੂ ਅਤੇ ਸ਼ੇਰੂ ਦੇ ਨਿਰਾਲੇ ਪਿਆਰ ਅਤੇ ਜਨੂੰਨ ਦੀ ਕਹਾਣੀ ਬਿਆਨ ਕਰਦੀ ਹੈ ਅਤੇ ਦੱਸਦੀ ਹੈ ਕਿ ਕਿਵੇਂ ਇਹ ਜੋੜਾ ਆਪਣੇ ਸੁਫ਼ਨੇ ਪੂਰੇ ਕਰਦਾ ਹੋਇਆ ਸਮੇਂ ਦੀ ਕਸੌਟੀ ‘ਤੇ ਖਰਾ ਉਤਰਦਾ ਹੈ। ਸਾਈ ਕਬੀਰ ਸ੍ਰੀਵਾਸਤਵਾ ਦੇ ਨਿਰਦੇਸ਼ਨ ਹੇਠ ਬਣੀ ਇਹ ਫਿਲਮ ਇਸ ਜੋੜੇ ਦੇ ਚੁਣੌਤੀਆਂ ਭਰੇ ਸਫ਼ਰ ਨੂੰ ਪੇਸ਼ ਕਰਦੀ ਹੈ। ਫਿਲਮ ਦੀ ਰਚਨਾਤਮਕ ਨਿਰਮਾਤਾ ਕੰਗਨਾ ਰਣੌਤ ਨੇ ਇੱਕ ਬਿਆਨ ਵਿੱਚ ਕਿਹਾ, ”ਟਿਕੂ ਵੈਡਜ਼ ਸ਼ੇਰੂ ‘ਮਣੀਕਰਨਿਕਾ ਫਿਲਮਜ਼’ ਦੇ ਬੈਨਰ ਹੇਠ ਬਣੀ ਪਹਿਲੀ ਫਿਲਮ ਹੋਣ ਕਰ ਕੇ ਮੇਰੇ ਲਈ ਬਹੁਤ ਖਾਸ ਹੈ। ਮੈਂ ਪਹਿਲੀ ਵਾਰ ਕਿਸੇ ਫਿਲਮ ਵਿੱਚ ਨਿਰਮਾਤਾ ਦੀ ਭੂਮਿਕਾ ਨਿਭਾਈ ਹੈ ਅਤੇ ਮੈਂ ਇਸ ਪ੍ਰਕਿਰਿਆ ਦਾ ਪੂਰਾ ਆਨੰਦ ਲਿਆ।” -ਆਈਏਐੱਨਐੱਸ