ਫ਼ਿਲਮ ‘ਖਾਮੋਸ਼’ ਦੀ ਸਕ੍ਰੀਨਿੰਗ ਮੌਕੇ ਮੁੜ ਇਕੱਠੇ ਹੋਣਗੇ ਨਸੀਰੂਦੀਨ, ਸ਼ਬਾਨਾ ਆਜ਼ਮੀ ਅਤੇ ਸੋਨੀ ਰਾਜ਼ਦਾਨ

ਮੁੰਬਈ: ਨਿਰਮਾਤਾ ਵਿਧੂ ਵਨਿੋਦ ਚੋਪੜਾ ਵੱਲੋੋਂ ਬਣਾਈ ਅਤੇ 1986 ਵਿੱਚ ਰਿਲੀਜ਼ ਹੋਈ ਫ਼ਿਲਮ ‘ਖਾਮੋਸ਼’ ਦੀ ਸਪੈਸ਼ਲ ਸਕ੍ਰੀਨਿੰਗ 13 ਅਕਤੂੁਬਰ ਨੂੰ ਹੋ ਰਹੀ ਹੈ। ਇਸ ਮੌਕੇ ਨਸੀਰੂਦੀਨ ਸ਼ਾਹ, ਸ਼ਬਾਨਾ ਆਜ਼ਮੀ, ਸੋਨੀ ਰਾਜ਼ਦਾਨ ਅਤੇ ਹੋਰ ਅਦਾਕਾਰ ਇਕੱਠੇ ਹੋਣਗੇ। ਉਨ੍ਹਾਂ ਨਾਲ ਚੋਪੜਾ ਦੇ ਹੋਰ ਕਰੀਬੀ ਸਾਥੀ ਜਿਵੇਂ ਅਨਿਲ ਕਪੂਰ, ਜੈਕੀ ਸ਼ਰਾਫ ਅਤੇ ਰਾਜਕੁਮਾਰ ਹਿਰਾਨੀ ਵੀ ਸ਼ਾਮਲ ਹੋਣਗੇ। ਵਿਸ਼ੇਸ਼ ਫ਼ਿਲਮ ਫੈਸਟੀਵਲ 13 ਤੋਂ 19 ਅਕਤੂਬਰ ਨੂੰ ਹੋਵੇਗਾ। ਇਸ ਦੀ ਸ਼ੁਰੂਆਤ ਫ਼ਿਲਮ ‘ਖਾਮੋਸ਼’ ਦੀ ਕਾਸਟਿੰਗ ਨਾਲ ਹੋਵੇਗੀ। ਇਸ ਦੌਰਾਨ ਵਿਧੂ ਵਨਿੋਦ ਚੋਪੜਾ ਦੇ 45 ਸਾਲਾਂ ਦੇ ਫ਼ਿਲਮੀ ਸਫ਼ਰ ਦਾ ਜਸ਼ਨ ਮਨਾਇਆ ਜਾਵੇਗਾ। ਫਿਲਮ ਨਿਰਮਾਤਾ ਦੇ ਨਜ਼ਦੀਕੀ ਇੱਕ ਸੂਤਰ ਨੇ ਕਿਹਾ ਕਿ ਫ਼ਿਲਮ ਹੈਰੀਟੇਜ ਫਾਊਂਡੇਸ਼ਨ ਨੂੰ ਲੱਗਦਾ ਹੈ ਕਿ ਇਸ ਫ਼ਿਲਮ ਨੂੰ ਸ਼ਾਇਦ ਹੀ ਨੌਜਵਾਨ ਪੀੜ੍ਹੀ ਨੇ ਦੇਖਿਆ ਹੋਵੇ। ਫਿਲਮ ਹੈਰੀਟੇਜ ਫਾਊਂਡੇਸ਼ਨ ਅਤੇ ਪੀਵੀਆਰ ਆਈਨੌਕਸ ਦੇਸ਼ ਭਰ ਦੇ ਸਨਿੇਮਾਘਰਾਂ ਵਿੱਚ ਵਿਧੂ ਵਨਿੋਦ ਚੋਪੜਾ ਦੀਆਂ ਨੌਂ ਫ਼ਿਲਮਾਂ ਨੂੰ ਪ੍ਰਦਰਸ਼ਿਤ ਕਰਨ ਲਈ ਇੱਕ ਵਿਸ਼ੇਸ਼ ਫ਼ਿਲਮ ਫੈਸਟੀਵਲ ਕਰ ਰਿਹਾ ਹੈ। -ਆਈਏਐੱਨਐੱਸ