ਨਰਮੇ ਦੀ ਟਰਾਲੀ ਨੂੰ ਅੱਗ ਲੱਗੀ

ਨਿੱਜੀ ਪੱਤਰ ਪ੍ਰੇਰਕ
ਮਲੋਟ, 23 ਨਵੰਬਰ
ਨਰਮਾ ਲੈ ਕੇ ਮਲੋਟ ਮੰਡੀ ’ਚ ਪਹੁੰਚੇ ਪਿੰਡ ਸ਼ੇਰਗੜ੍ਹ ਦੇ ਕਿਸਾਨ ਜਸਵਿੰਦਰ ਸਿੰਘ ਦੇ ਨਰਮੇ ਦੀ ਟਰਾਲੀ ਨੂੰ ਅਚਾਨਕ ਅੱਗ ਲੱਗ ਗਈ, ਪਰ ਮੌਕੇ ’ਤੇ ਪਤਾ ਲੱਗਣ ’ਤੇ ਉਨ੍ਹਾਂ ਫੁਰਤੀ ਨਾਲ ਧੁਖਦੇ ਨਰਮੇ ਨੂੰ ਉੱਥੇ ਹੀ ਲਾਹ ਦਿੱਤਾ ਅਤੇ ਟਰਾਲੀ ਭਜਾ ਕੇ ਮੰਡੀ ਦੇ ਵਾਟਰ ਵਰਕਸ ਵਿੱਚ ਲੈ ਗਏ, ਜਿੱਥੇ ਪਾਣੀ ਪਾਉਣ ਕਰਕੇ ਨਰਮੇ ਦਾ ਬਚਾਅ ਹੋ ਗਿਆ। ਇਸ ਸਬੰਧ ਵਿੱਚ ਮਾਰਕੀਟ ਕਮੇਟੀ ਦੇ ਸਕੱਤਰ ਅਮਨਦੀਪ ਸਿੰਘ ਕੰਗ ਨੇ ਕਿਹਾ ਕਿ ਅੱਗ ਲੱਗਣ ਦਾ ਕਾਰਨ ਧੁਖਦੀ ਬੀੜੀ-ਸਿਗਰਟ ਵਗੈਰਾ ਟਰਾਲੀ ’ਚ ਡਿੱਗਣ ਕਰਕੇ ਲੱਗੀ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਇਹ ਜ਼ਿੰਮੇਵਾਰੀ ਆੜ੍ਹਤੀਏ ਦੀ ਹੁੰਦੀ ਹੈ ਕਿ ਉਹ ਅੱਗ ਬੁਝਾਊ ਯੰਤਰ ਦੇ ਪ੍ਰਬੰਧ ਰੱਖਣ ਅਤੇ ਬੋਲੀ ਵੇਲੇ ਮੌਕੇ ’ਤੇ ਮੌਜੂਦ ਰਹਿਣ।