ਮੇਰੀ ਜ਼ਿੰਦਗੀ ਵਰਗਾ ਹੈ ‘ਆਰੀਆ ਸਰੀਨ’ ਦਾ ਕਿਰਦਾਰ: ਸੁਸ਼ਮਿਤਾ ਸੇਨ

ਮੁੰਬਈ: ਬੌਲੀਵੁੱਡ ਅਦਾਕਾਰਾ ਸੁਸ਼ਮਿਤਾ ਸੇਨ ਕ੍ਰਾਈਮ ਥ੍ਰਿਲਰ ‘ਆਰੀਆ’ ਦੀਆਂ ਪਿਛਲੀਆਂ ਲੜੀਆਂ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਣ ਮਗਰੋਂ ਇਸ ਦੀ ਤੀਜੀ ਲੜੀ ’ਚ ਮੁੜ ਮੁੱਖ ਭੂਮਿਕਾ ’ਚ ਨਜ਼ਰ ਆਵੇਗੀ। ਉਸ ਨੇ ਦੱਸਿਆ ਕਿ ਇਹ ਕਿਰਦਾਰ ਉਸ ਦੀ ਜ਼ਿੰਦਗੀ ਨਾਲ ਮੇਲ ਖਾਂਦਾ ਹੈ। ਇਸ ਲੜੀ ’ਚ ਸੁਸ਼ਮਿਤਾ ਸੇਨ ‘ਆਰੀਆ ਸਰੀਨ’ ਦੀ ਭੂਮਿਕਾ ਨਿਭਾਅ ਰਹੀ ਹੈ। ਉਸ ਨੇ ਖ਼ੁਲਾਸਾ ਕੀਤਾ ਹੈ ਕਿ ਆਰਿਆ ਦੀ ਤਾਕਤ ਕਹਾਣੀ ਦੀ ਸ਼ੁਰੂਆਤ ਤੋਂ ਲੈ ਕੇ ਤੀਜੀ ਲੜੀ ਵਿੱਚ ਵੀ ਉਸ ਨੂੰ ਮਜ਼ਬੂਤ ਰੱਖਦੀ ਹੈ। ਇਸ ਬਾਰੇ ਗੱਲ ਕਰਦਿਆਂ ਸਾਬਕਾ ਮਿਸ ਯੂਨੀਵਰਸ ਨੇ ਕਿਹਾ, ‘‘ਮੈਂ ਹਮੇਸ਼ਾਂ ‘ਆਰੀਆ’ ਤੋਂ ਪ੍ਰਭਾਵਿਤ ਰਹੀ ਹਾਂ ਕਿਉਂਕਿ ਜਦੋਂ ਅਸੀਂ ਸ਼ੂਟ ਕਰਦੇ ਹਾਂ ਤਾਂ ਮੌਜੂਦਾ ਸੁਸ਼ਮਿਤਾ ਤੇ ਆਰੀਆ ਦਾ ਸੱਚ ਮੇਲ ਖਾ ਜਾਂਦਾ ਹੈ। ਸਾਡੇ ਦੋਵਾਂ ਦੇ ਕਿਰਦਾਰ ਮਿਲਦੇ ਜੁਲਦੇ ਹਨ।’’ ‘ਆਰਿਆ-3’ ਡਿਜ਼ਨੀ+ ਹੌਟਸਟਾਰ ’ਤੇ ਤਿੰਨ ਨਵੰਬਰ ਨੂੰ ਪ੍ਰਸਾਰਿਤ ਹੋਵੇਗੀ। -ਆਈਏਐੱਨਐੱਸ