ਰਫੀ ਤੇ ਰਾਜ ਕਪੂਰ ਨੂੰ ਸਮਰਪਿਤ ਸੰਗੀਤ ਸਮਾਗਮ

ਚੰਡੀਗੜ੍ਹ:

ਏਆਰ ਮੇਲੋਡੀਜ਼ ਐਸੋਸੀਏਸ਼ਨ ਨੇ ਉੱਘੇ ਗਾਇਕ ਮੁਹੰਮਦ ਰਫੀ ਤੇ ਅਦਾਕਾਰ ਰਾਜ ਕਪੂਰ ਦੇ 100ਵੇਂ ਜਨਮ ਦਿਨ ਨੂੂੰ ਸਮਰਪਿਤ ਸੰਗੀਤ ਸਮਾਗਮ ‘ਸੁਰੀਲਾ ਸਫ਼ਰ’ ਹਰਿਆਣਾ ਕਲਾ ਤੇ ਸੱਭਿਆਚਾਰ ਮਾਮਲੇ ਵਿਭਾਗ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ। ਇਸ ਵਿੱਚ ਪੰਜਾਬ, ਹਰਿਆਣਾ ਤੇ ਚੰਡੀਗੜ੍ਹ ਦੇ 45 ਦੇ ਕਰੀਬ ਗਾਇਕਾਂ ਨੇ ਸ਼ਮੂਲੀਅਤ ਕੀਤੀ। ਇਸ ਸਮਾਗਮ ਵਿੱਚ ਜਸਪ੍ਰੀਤ ਜੱਸਲ ਤੇ ਡਾ. ਅਰੁਣ ਕਾਂਤ ਨੇ ਗੀਤਾਂ ਦੀ ਪੇਸ਼ਕਾਰੀ ਦਿੱਤੀ। ਇਸ ਤੋਂ ਇਲਾਵਾ ਵੀ ਵੱਖ-ਵੱਖ ਵਿਅਕਤੀਆਂ ਨੇ ਆਪੋ-ਆਪਣੇ ਗੀਤਾਂ ਦੀ ਪੇਸ਼ਕਾਰੀ ਦਿੱਤੀ। -ਟਨਸ