ਹੋਮਗਾਰਡ ਦਾ ਕਤਲ ਕਰਨ ਵਾਲਾ ਗ੍ਰਿਫ਼ਤਾਰ

ਪੱਤਰ ਪ੍ਰੇਰਕ
ਫਰੀਦਾਬਾਦ, 20 ਅਗਸਤ
ਦਿੱਲੀ ਹੋਮ ਗਾਰਡਸ ’ਚ ਨੌਕਰੀ ਕਰਦੇ ਪਿੰਡ ਗੜ੍ਹ ਖੇੜਾ ਦੇ ਰਹਿਣ ਵਾਲੇ ਧਰਮਪਾਲ ਦਾ ਕਥਿਤ ਕਤਲ ਕਰ ਦਿੱਤਾ ਗਿਆ। ਥਾਣਾ ਛਾਉਣੀ ’ਚ ਤਲਵਾਰ ਦਾ ਵਾਰ ਕਰ ਕੇ ਹੱਤਿਆ ਕਰਨ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਮਾਮਲੇ ’ਚ ਪੁਲੀਸ ਨੇ ਮੁਲਜ਼ਮ ਸੁਨੀਲ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਜਦੋਂ ਕਿ ਉਸ ਦਾ ਸਾਥੀ ਅਜੈ ਫ਼ਰਾਰ ਹੋ ਗਿਆ। ਏਸੀਪੀ ਕ੍ਰਾਈਮ ਅਮਨ ਯਾਦਵ ਮੁਤਾਬਕ 50 ਸਾਲਾ ਧਰਮਪਾਲ ਆਪਣੇ ਘਰ ਦੇ ਬਾਥਰੂਮ ਲਈ ਟੋਆ ਪੁੱਟ ਰਿਹਾ ਸੀ। ਗਲੀ ਵਿੱਚ ਉਸਾਰੀ ਦੇ ਕੰਮ ਦਾ ਸਮਾਨ ਕਰੱਸ਼ਰ-ਸੀਮਿੰਟ ਰੱਖਿਆ ਹੋਇਆ ਸੀ। ਜਿਸ ’ਤੇ ਮੁਲਜ਼ਮਾਂ ਵੱਲੋਂ ਪਾਣੀ ਪਾ ਦਿੱਤਾ ਗਿਆ। ਧਰਮਪਾਲ ਨੇ ਰੋਕਿਆ ਤਾਂ ਸੁਨੀਲ ਨੇ ਤਲਵਾਰ ਨਾਲ ਉਸ ਦਾ ਕਤਲ ਕਰ ਦਿੱਤਾ। ਭਤੀਜੇ ਅਮਿਤ ਦੀ ਸ਼ਿਕਾਇਤ ’ਤੇ ਕਤਲ ਦਾ ਮਾਮਲਾ ਦਰਜ ਕੀਤਾ। ਮ੍ਰਿਤਕ ਧਰਮਪਾਲ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਬੀਕੇ ਹਸਪਤਾਲ ਲਿਜਾਇਆ ਗਿਆ।