ਨਗਰ ਕੌਂਸਲ ਪੁਰਾਣੀ ਕਾਲਕਾ ਸੜਕ ਤੋਂ 28 ਨੂੰ ਹਟਾਏਗੀ ਨਾਜਾਇਜ਼ ਕਬਜ਼ੇ

ਨਿੱਜੀ ਪੱਤਰ ਪ੍ਰੇਰਕ
ਜ਼ੀਰਕਪੁਰ, 20 ਜੁਲਾਈ
ਇਥੋਂ ਦੀ ਪੁਰਾਣੀ ਕਾਲਕਾ ਸੜਕ ’ਤੇ ਨਾਜਾਇਜ਼ ਕਬਜ਼ੇ ਨੂੰ ਖਾਲੀ ਕਰਵਾਉਣ ਨੂੰ ਲੈ ਕੇ ਨਗਰ ਕੌਂਸਲ ਵੱਲੋਂ 28 ਜੁਲਾਈ ਦੀ ਤਰੀਕ ਤੈਅ ਕੀਤੀ ਹੈ। ਕੌਂਸਲ ਵੱਲੋਂ ਅੱਜ ਇਸ ਸੜਕ ’ਤੇ ਮੁਨਿਆਦੀ ਕਰਵਾ ਕੇ ਲੋਕਾਂ ਨੂੰ ਕਬਜ਼ੇ ਖੁਦ ਹਟਾਉਣ ਦੀ ਅਪੀਲ ਕੀਤੀ ਹੈ। ਕੌਂਸਲ ਵੱਲੋਂ ਕਿਹਾ ਗਿਆ ਹੈ ਕਿ ਜੇਕਰ ਕਬਜ਼ਾਧਾਰੀਆਂ ਨੇ ਕਬਜ਼ੇ ਨਾ ਹਟਾਏ ਤਾਂ ਉਹ ਕਾਰਵਾਈ ਕਰ ਹਟਾਉਣਗੇ। ਇਸ ਸੜਕ ’ਤੇ ਨਾਜਾਇਜ਼ ਕਬਜ਼ੇ ਸਬੰਧੀ ਸਥਾਨਕ ਲੋਕਾਂ ਵੱਲੋਂ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਖ਼ਲ ਕੀਤੀ ਗਈ ਹੈ। ਹਾਈ ਕੋਰਟ ਨੇ ਨਗਰ ਕੌਂਸਲ ਤੋਂ 7 ਅਗਸਤ ਨੂੰ ਜਵਾਬ ਮੰਗਿਆ ਹੈ।