ਨਗਰ ਕੌਂਸਲ ਵੱਲੋਂ 16 ਨਾਜਾਇਜ਼ ਕਬਜ਼ਾਕਾਰੀਆਂ ਨੂੰ ਨੋਟਿਸ

ਮਕਬੂਲ ਅਹਿਮਦ
ਕਾਦੀਆਂ, 29 ਨਵੰਬਰ
ਨਗਰ ਕੌਂਸਲ ਦੀ ਜ਼ਮੀਨ ’ਤੇ ਹੋਏ ਨਾਜਾਇਜ਼ ਕਬਜ਼ਿਆਂ ਸਬੰਧੀ ਐੱਸਡੀਐੱਮ (ਬਟਾਲਾ) ਵਿਕਰਮਜੀਤ ਸਿੰਘ ਵੱਲੋਂ ਪਿਛਲੇ ਦਿਨੀਂ ਦਿੱਤੇ ਗਏ ਨਿਰਦੇਸ਼ਾਂ ਤਹਿਤ ਕਾਰਜਸਾਧਕ ਅਫਸਰ ਭੁਪਿੰਦਰ ਸਿੰਘ ਨੇ 16 ਵਿਅਕਤੀਆਂ ਨੂੰ ਕਬਜ਼ੇ ਹਟਾਉਣ ਦੇ ਨਿਰਦੇਸ਼ ਜਾਰੀ ਕੀਤੇ ਹਨ। ਜਿਨ੍ਹਾਂ ਵਿਅਕਤੀਆਂ ਨੂੰ ਕਬਜ਼ੇ ਹਟਾਉਣ ਦੇ ਨੋਟਿਸ ਦਿੱਤੇ ਗਏ ਹਨ, ਉਨ੍ਹਾਂ ਵਿੱਚ ਦੌਲਤ ਰਾਮ, ਸਤਪਾਲ, ਚਰਨ ਦਾਸ, ਦੇਸਰਾਜ, ਪੁਸ਼ਪਾ ਰਾਣੀ, ਕੇਵਲ ਕ੍ਰਿਸ਼ਨ, ਜਸਵਿੰਦਰ ਸਿੰਘ, ਅਸ਼ਵਨੀ ਕੁਮਾਰ, ਬਿਸ਼ਨ ਲਾਲ, ਗੁਰਮੀਤ ਸਿੰਘ, ਨਜ਼ੀਰ ਅਹਿਮਦ, ਅਬਦੁਲ ਹਫੀਜ਼, ਅਤੀਕ ਅਹਿਮਦ, ਅਰਜੁਨ ਸਿੰਘ ਭਿੰਡਰ, ਨਸੀਰ ਅਹਿਮਦ ਤੇ ਤਾਰਿਕ ਅਹਿਮਦ ਆਦਿ ਸ਼ਾਮਲ ਸਨ।