ਭਾਰਤੀ ਫ਼ਿਲਮ ਮੇਲੇ ’ਚ ਮ੍ਰਿਣਾਲ ਠਾਕੁਰ ਨੂੰ ਮਿਲੇਗਾ ਵਿਸ਼ੇਸ਼ ਪੁਰਸਕਾਰ

ਮੁੰਬਈ: ਆਸਟਰੇਲੀਆ ਵਿੱਚ ਅਗਾਮੀ 11 ਅਗਸਤ ਤੋਂ ਸ਼ੁਰੂ ਹੋਣ ਵਾਲੇ ਇੰਡੀਅਨ ਫ਼ਿਲਮ ਫੈਸਟੀਵਲ ਆਫ ਮੈਲਬਰਨ (ਆਈਐੱਫਐੱਫਐੱਮ) ਦੌਰਾਨ ਅਦਾਕਾਰਾ ਮ੍ਰਿਣਾਲ ਠਾਕੁਰ ਨੂੰ ‘ਡਾਇਵਰਸਿਟੀ ਇਨ ਸਿਨੇਮਾ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਹ ਜਾਣਕਾਰੀ ਪ੍ਰਬੰਧਕਾਂ ਨੇ ਸਾਂਝੀ ਕੀਤੀ ਹੈ। ਪ੍ਰੈੱਸ ਰਿਲੀਜ਼ ਮੁਤਾਬਕ ਫ਼ਿਲਮ ‘ਸੀਤਾ ਰਾਮਾ’ ਦੀ ਅਦਾਕਾਰਾ ਨੂੰ ਇਹ ਪੁਰਸਕਾਰ ਭਾਰਤੀ ਸਿਨੇਮਾ ਵਿੱਚ ਵੱਖ-ਵੱਖ ਭਾਸ਼ਾਵਾਂ ਵਿੱਚ ਨਿਭਾਏ ਗਏ ਵਿਲੱਖਣ ਕਿਰਦਾਰਾਂ ਰਾਹੀਂ ਕੀਤੀ ਗਈ ਬਿਹਤਰੀਨ ਅਦਾਕਾਰੀ ਲਈ ਪ੍ਰਦਾਨ ਕੀਤਾ ਜਾ ਰਿਹਾ ਹੈ। ਮ੍ਰਿਣਾਲ ਨੂੰ ਇਹ ਪੁਰਸਕਾਰ 11 ਅਗਸਤ ਨੂੰ ਰਾਤ ਨੂੰ ਦਿੱਤਾ ਜਾਵੇਗਾ। ਭਾਰਤੀ ਫਿਲਮ ਮੇਲੇ ਦਾ 14ਵਾਂ ਐਡੀਸ਼ਨ ਮੈਲਬਰਨ ਵਿੱਚ 11 ਤੋਂ 14 ਅਗਸਤ ਤੱਕ ਮਨਾਇਆ ਜਾ ਰਿਹਾ ਹੈ। -ਪੀਟੀਆਈ