ਸੜਕ ਹਾਦਸੇ ਵਿੱਚ ਮੋਟਰਸਾਈਕਲ ਸਵਾਰ ਜ਼ਖ਼ਮੀ

ਲੁਧਿਆਣਾ (ਨਿੱਜੀ ਪੱਤਰ ਪ੍ਰੇਰਕ): ਥਾਣਾ ਫੋਕਲ ਪੁਆਇੰਟ ਦੇ ਇਲਾਕੇ ਨੇੜੇ ਨਾਹਰ ਓਸਵਾਲ ਫੈਕਟਰੀ ਦੇ ਗੇਟ ਨੰਬਰ 2 ਢੰਡਾਰੀ ਖੁਰਦ ਦੇ ਬਾਹਰ ਇੱਕ ਕਾਰ ਦੀ ਮੋਟਰਸਾਈਕਲ ਨਾਲ ਟੱਕਰ ਵਿੱਚ ਮੋਟਰਸਾਈਕਲ ਸਵਾਰ ਸਖ਼ਤ ਜ਼ਖ਼ਮੀ ਹੋ ਗਿਆ। ਇਸ ਸਬੰਧੀ ਜ਼ਖ਼ਮੀ ਉਗਰਸੇਨ ਕੁਮਾਰ ਵਰਮਾ ਦੇ ਭਰਾ ਨਰਿੰਦਰ ਕੁਮਾਰ ਵਰਮਾ ਵਾਸੀ ਗਰਚਾ ਕਲੋਨੀ ਢੰਡਾਰੀ ਖੁਰਦ ਨੇ ਦੱਸਿਆ ਕਿ ਉਗਰਸੇਨ ਪਰਿਵਾਰ ਸਮੇਤ ਉਸ ਦੇ ਘਰ ਸਾਹਮਣੇ ਹੀ ਰਹਿੰਦਾ ਹੈ। ਉਹ ਆਪਣੇ ਮੋਟਰਸਾਈਕਲ ’ਤੇ ਆਪਣੇ ਦੋਵੇਂ ਲੜਕਿਆਂ ਨਾਲ ਆ ਰਿਹਾ ਸੀ ਤਾਂ ਫੈਕਟਰੀ ਦੇ ਗੇਟ ਨੰਬਰ 2 ਕੋਲ ਤੇਜ਼ ਰਫ਼ਤਾਰ ਨਾਲ ਆ ਰਹੀ ਵਰਨਾ ਦੇ ਚਾਲਕ ਰਮਨ ਕੁਮਾਰ ਨੇ ਅਣਗਹਿਲੀ ਨਾਲ ਮੋਟਰਸਾਈਕਲ ਨੂੰ ਫੇਟ ਮਾਰ ਦਿੱਤੀ। ਇੱਸ ਟੱਕਰ ਕਾਰਨ ਉਗਰਸੇਨ ਨੂੰ ਕਾਫ਼ੀ ਸੱਟਾਂ ਲੱਗੀਆਂ ਹਨ ਅਤੇ ਉਸ ਦਾ ਮੋਟਰਸਾਈਕਲ ਵੀ ਨੁਕਸਾਨਿਆ ਗਿਆ ਹੈ। ਪੁਲੀਸ ਨੇ ਕੇਸ ਦਰਜ ਕਰ ਲਿਆ ਹੈ।