ਪੁੱਤ ਵੱਲੋਂ ਮਾਂ ਦਾ ਕਤਲ

ਪੱਤਰ ਪ੍ਰੇਰਕ
ਰਈਆ, 17 ਅਕਤੂਬਰ
ਇੱਥੇ ਅੱਜ ਸਵੇਰੇ ਪਿੰਡ ਵਡਾਲਾ ਖੁਰਦ ਵਿੱਚ ਪੁੱਤ ਨੇ ਮਾਂ ਦਾ ਕਤਲ ਕਰਕੇ ਲਾਸ਼ ਟੋਏ ਵਿੱਚ ਦੱਬ ਦਿੱਤੀ। ਪੁਲੀਸ ਇੰਸਪੈਕਟਰ ਪੁਲੀਸ ਥਾਣਾ ਖਿਲਚੀਆਂ ਨੇ ਦੱਸਿਆ ਕਿ ਜੀਤ ਕੌਰ ਪਤਨੀ ਸੁਲੱਖਣ ਸਿੰਘ ਵਾਸੀ ਵਡਾਲਾ ਬਾਂਗਰ ਨੇ ਦੱਸਿਆ ਕਿ ਉਸ ਦੀ ਮਾਂ ਅਮਰ ਕੌਰ (80) ਉਸ ਕੋਲ ਰਹਿੰਦੀ ਸੀ। ਮਾਂ ਅਤੇ ਉਹ ਬੀਤੇ ਦਿਨ ਆਪਣੇ ਭਰਾ ਜਸਵਿੰਦਰ ਸਿੰਘ ਨੂੰ ਮਿਲਣ ਲਈ ਵਡਾਲਾ ਖੁਰਦ ਆਈ ਸੀ। ਰਾਤ ਕਰੀਬ 10 ਵਜੇ ਮਾਂ ਦੀਆਂ ਚੀਕਾਂ ਸੁਣ ਕੇ ਜਦੋਂ ਉਹ ਉੱਠੀ ਤਾਂ ਦੇਖਿਆ ਕਿ ਉਸ ਦਾ ਭਰਾ ਮਾਂ ਉਪਰ ਬੈਠ ਕੇ ਉਸ ਦੀ ਕੁੱਟਮਾਰ ਕਰ ਰਿਹਾ ਸੀ।
ਮਗਰੋਂ ਮਾਂ ਦੀ ਮੌਤ ਹੋ ਗਈ। ਉਸ ਦੇ ਭਰਾ ਨੇ ਮਿੱਟੀ ਪੁੱਟ ਕੇ ਟੋਏ ਵਿੱਚ ਲਾਸ਼ ਰੱਖ ਕੇ ਉਸ ’ਤੇ ਪੱਤੇ ਪਾ ਕੇ ਵਾਰਦਾਤ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ। ਇਸ ਸਬੰਧੀ ਥਾਣਾ ਖਿਲਚੀਆਂ ਵਿੱਚ ਪੁਲੀਸ ਨੇ ਕੇਸ ਦਰਜ ਕੇ ਜਸਵਿੰਦਰ ਸਿੰਘ ਵਾਸੀ ਵਡਾਲਾ ਖ਼ੁਰਦ ਨੂੰ ਗ੍ਰਿਫ਼ਤਾਰ ਕਰ ਲਿਆ।