ਮੋਰਿੰਡਾ ਕੌਂਸਲ ਦੇ ਪ੍ਰਧਾਨ ਦੀ ਚੋਣ ਅੱਜ

ਪੱਤਰ ਪ੍ਰੇਰਕ
ਮੋਰਿੰਡਾ, 26 ਜੁਲਾਈ
ਇੱਥੇ ਕਈ ਅੜਿੱਕਿਆਂ ਮਗਰੋਂ ਢਾਈ ਸਾਲ ਬਾਅਦ ਭਲਕੇ 27 ਜੁਲਾਈ ਨੂੰ ਮੋਰਿੰਡਾ ਨਗਰ ਕੌਂਸਲ ਪ੍ਰਧਾਨ ਦੀ ਚੋਣ ਹੋਣ ਜਾ ਰਹੀ ਹੈ। ਇਸ ਦੌਰਾਨ ਇੱਕ ਪਾਸੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਤੇ ਦੂਜੇ ਪਾਸੇ ‘ਆਪ’ ਦੇ ਹਲਕਾ ਵਿਧਾਇਕ ਡਾਕਟਰ ਚਰਨਜੀਤ ਸਿੰਘ ਆਪੋ-ਆਪਣਾ ਪ੍ਰਧਾਨ ਬਣਾਉਣ ਦੀ ਕੋਸ਼ਿਸ ਕਰ ਰਹੇ ਹਨ। ਸ਼ਹਿਰ ਵਿੱਚ ਕੁੱਲ 15 ਵਾਰਡ ਹਨ, ਜਨਿ੍ਹਾਂ ’ਚੋਂ ਬਹੁ-ਗਿਣਤੀ 9 ਕੌਸਲਰਾਂ ਵੱਲੋਂ ਖੁਦ ਨੂੰ ਕਾਂਗਰਸ ਸਮਰਥਕ ਦੱਸਿਆ ਜਾ ਰਿਹਾ ਹੈ। ਜਦਕਿ ਦੂਜੇ ਧੜੇ ਦੀ ਅਗਵਾਈ ਕਰ ਰਹੇ ਕੌਂਸਲਰ ਅੰਮ੍ਰਿਤਪਾਲ ਸਿੰਘ ਖਟੜਾ ਨਾਲ ਵੀ ਛੇ ਮੈਂਬਰ ਹਨ। ਵਿਧਾਇਕ ਦੀ ਵੋਟ ਵੀ ਇਸੇ ਧੜੇ ਨੂੰ ਪੈਣ ਦੀ ਸੰਭਾਵਨਾ ਹੈ।