ਮੁਹੰਮਦ ਰਫ਼ੀ ਦਾ ਦਲੀਪ ਕੁਮਾਰ ਨਾਲ ਸੀ ਗੂੜ੍ਹਾ ਰਿਸ਼ਤਾ: ਸਾਇਰਾ ਬਾਨੋ

ਮੁੰਬਈ: ਉੱਘੀ ਅਦਾਕਾਰਾ ਸਾਇਰਾ ਬਾਨੋ ਨੇ ਪ੍ਰਸਿੱਧ ਗਾਇਕ ਮਰਹੂਮ ਮੁਹੰਮਦ ਰਫੀ ਨੂੰ ਉਨ੍ਹਾਂ ਦੇ ਜਨਮ ਦਿਨ ਦੀ ਵਰ੍ਹੇਗੰਢ ਮੌਕੇ ਸ਼ਰਧਾਂਜਲੀ ਭੇਟ ਕੀਤੀ ਹੈ। ਉਨ੍ਹਾਂ ਰਫ਼ੀ ਦੀ ਅਦਾਕਾਰ ਦਿਲੀਪ ਕੁਮਾਰ ਨਾਲ ਗੂੁੜ੍ਹੀ ਸਾਂਝ ਨੂੰ ਯਾਦ ਕੀਤਾ। ਸਾਇਰਾ ਨੇ ਆਪਣੇ ਇੰਸਟਗ੍ਰਾਮ ਖਾਤੇ ’ਤੇ ਦਿਲੀਪ ਕੁਮਾਰ ਦੀ ਮੁਹੰਮਦ ਰਫੀ ਨਾਲ ਪੁਰਾਣੀ ਤਸਵੀਰ ਸਾਂਝੀ ਕੀਤੀ ਹੈ। ਫ਼ਿਲਮ ‘ਜੰਗਲੀ’ ਦੀ ਅਦਾਕਾਰਾ ਨੇ ਤਸਵੀਰ ਦੀ ਕੈਪਸ਼ਨ ਵਿੱਚ ਲਿਖਿਆ, ‘‘ਦਿਲੀਪ ਸਾਹਿਬ ਦਾ ਰਫ਼ੀ ਭਾਈ ਨਾਲ ਗੂੜ੍ਹਾ ਰਿਸ਼ਤਾ ਸੀ ਉਹ ਉਨ੍ਹਾਂ ਨੂੰ ਸਿਰਫ ਪਿੱਠਵਰਤੀ ਗਾਇਕ ਵਜੋਂ ਹੀ ਨਹੀਂ ਦੇਖਦੇ ਸਨ ਸਗੋਂ ਆਪਣੀ ਆਵਾਜ਼ ਦਾ ਇੱਕ ਜ਼ਰੂਰੀ ਹਿੱਸਾ ਮੰਨਦੇ ਸਨ। ਇਸ ਮਹਾਨ ਜੋੜੀ ਦੇ ਕਈ ਕਿੱਸੇ ਹਨ, ਜਿਨ੍ਹਾਂ ਵਿੱਚ ਭਾਰਤ-ਚੀਨ ਜੰਗ ਮਗਰੋਂ ਜਵਾਨਾਂ ਦਾ ਮਨੋਰੰਜਨ ਕਰਨ ਲਈ ਉਨ੍ਹਾਂ ਵੱਲੋਂ ਸਰਹੱਦ ’ਤੇ ਜਾਣਾ ਵੀ ਸ਼ਾਮਲ ਹੈ। -ਏਐੱਨਆਈ