ਔਰਤ ਦੀ ਦਲੇਰੀ ਕਾਰਨ ਮੋਬਾਈਲ ਫੋਨ ਚੋਰ ਕਾਬੂ

ਲੁਧਿਆਣਾ: ਥਾਣਾ ਡੇਹਲੋਂ ਦੇ ਇਲਾਕੇ ਰੰਗਾ ਪੱਤੀ ਕਿਲ੍ਹਾ ਰਾਏਪੁਰ ਵਿੱਚ ਔਰਤ ਨੇ ਦਲੇਰੀ ਵਿਖਾਉਂਦਿਆਂ ਮੋਬਾਈਲ ਫੋਨ ਚੋਰ ਨੂੰ ਕਾਬੂ ਕਰ ਲਿਆ। ਗੁਰਦੀਪ ਸਿੰਘ ਵਾਸੀ ਪਿੰਡ ਰੰਗਾ ਪੱਤੀ ਡੇਹਲੋਂ ਰੋਡ ਕਿਲ੍ਹਾ ਰਾਏਪੁਰ ਨੇ ਦੱਸਿਆ ਕਿ ਉਹ ਸਮੇਤ ਪਰਿਵਾਰ ਘਰ ਦੀ ਪਹਿਲੀ ਮੰਜ਼ਿਲ ਵਿੱਚ ਸੁੱਤਾ ਪਿਆ ਸੀ ਤਾਂ ਰਾਤ 1 ਵਜੇ ਦੇ ਕਰੀਬ ਰਾਜਾ ਪਾਸਵਾਨ ਵਾਸੀ ਝੁੱਗੀਆਂ ਨੇੜੇ ਇੰਦਰਾ ਕਲੋਨੀ ਮੁੱਲਾਂਪੁਰ ਕਮਰੇ ਵਿੱਚ ਦਾਖਲ ਤੇ ਮੋਬਾਈਲ ਫੋਨ ਚੁੱਕ ਕੇ ਭੱਜਣ ਲੱਗਿਆ। ਇਸ ਦੌਰਾਨ ਉਸ ਦੀ ਪਤਨੀ ਮਨਪ੍ਰੀਤ ਕੌਰ ਨੇ ਉਸ ਦੀ ਬਾਂਹ ਫੜ ਲਈ। ਉਹ ਡਿੱਗ ਪਿਆ। ਰੌਲਾ ਪੈਣ ’ਤੇ ਚੋਰ ਨੇ ਮਕਾਨ ਦੀ ਛੱਤ ਤੋਂ ਛਾਲ ਮਾਰ ਦਿੱਤੀ। ਪਰਿਵਾਰਕ ਮੈਂਬਰਾਂ ਨੇ ਮੁਲਜ਼ਮ ਨੂੰ ਫੜ ਕੇ ਪੁਲੀਸ ਹਵਾਲੇ ਕਰ ਦਿੱਤਾ। -ਨਿੱਜੀ ਪੱਤਰ ਪ੍ਰੇਰਕ