ਵਿਧਾਇਕ ਨੇ ਵਿਕਾਸ ਕੰਮਾਂ ਦਾ ਉਦਘਾਟਨ ਕੀਤਾ

ਪੱਤਰ ਪ੍ਰੇਰਕ
ਟਾਂਡਾ, 21 ਨਵੰਬਰ
ਇਥੇ ਅੱਜ ਵਿਧਾਇਕ ਜਸਵੀਰ ਸਿੰਘ ਰਾਜਾ ਨੇ ਸ਼ਹਿਰ ਦੀਆਂ ਸੜਕਾਂ ਦੇ ਨਿਰਮਾਣ ਕਾਰਜਾਂ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਵਿਧਾਇਕ ਰਾਜਾ ਨੇ ਦੱਸਿਆ ਕਿ ਕਰੀਬ 65 ਲੱਖ ਰੁਪਏ ਦੀ ਲਾਗਤ ਨਾਲ ਕਾਰਪੈਟ ਪ੍ਰੀਮਿਕਸ ਪਾ ਕੇ ਸ਼ਹਿਰ ਦੀਆਂ ਵੱਖ-ਵੱਖ ਸੜਕਾਂ ਨੂੰ ਨਵੀਂ ਦਿੱਖ ਪ੍ਰਦਾਨ ਕੀਤੀ ਜਾਵੇਗੀ। ਇਸ ਦੌਰਾਨ 17.50 ਲੱਖ ਰੁਪਏ ਨਾਲ ਸਰਕਾਰੀ ਹਸਪਤਾਲ ਚੌਕ ਟਾਂਡਾ ਤੋਂ ਬੋਹੜ ਵਾਲਾ ਚੌਕ ਤੱਕ, 12 ਲੱਖ ਰੁਪਏ ਨਾਲ ਹਸਪਤਾਲ ਚੌਕ ਤੋਂ ਪੁਲੀ ਤੱਕ, 19 ਲੱਖ ਰੁਪਏ ਨਾਲ ਅਹੀਆਪੁਰ ਰੋਡ, 6.50 ਲੱਖ ਰੁਪਏ ਨਾਲ ਸ਼ਿਮਲਾ ਪਹਾੜੀ ਪਾਰਕ ਤੋਂ ਬਾਬਾ ਲੱਖ ਦਾਤਾ ਸਮਾਧ ਤੱਕ, 9.50 ਲੱਖ ਰੁਪਏ ਨਾਲ ਲੜਕੀਆਂ ਦੇ ਸਕੂਲ ਤੋਂ ਅਹੀਆਪੁਰ ਸ਼ਮਸ਼ਾਨਘਾਟ ਤੱਕ ਸੜਕਾਂ ਤੇ ਕਾਰਪਿਟ ਪ੍ਰੀਮਿਕਸ ਪਾ ਕੇ ਸੜਕਾਂ ਨੂੰ ਨਵੀਂ ਦਿੱਖ ਦਿੱਤੀ ਜਾਵੇਗੀ। ਇਸ ਮੌਕੇ ਬਲਾਕ ਪ੍ਰਧਾਨ ਕੇਸ਼ਵ ਸਿੰਘ ਸੈਣੀ, ਕਾਰਜਸਾਧਕ ਅਫਸਰ ਰਾਮ ਪ੍ਰਕਾਸ਼, ਏਐੱਮਈ ਕੁਲਦੀਪ ਸਿੰਘ ਘੁੰਮਣ, ਜੇਈ ਗੁਰਵਿੰਦਰ ਸਿੰਘ, ਹਰਕ੍ਰਿਸ਼ਨ ਸੈਣੀ, ਸੁਰਿੰਦਰਜੀਤ ਸਿੰਘ ਬਿੱਲੂ, ਮੰਜੂ ਬਾਲਾ, ਸੋਨੂ ਖੰਨਾ ਵੀ ਮੌਜੂਦ ਸਨ।