ਭੇਤਭਰੀ ਹਾਲਤ ਵਿੱਚ ਫੌਜੀ ਜਵਾਨ ਲਾਪਤਾ
08:26 AM Apr 21, 2024 IST
Advertisement
ਅੰਬਾਲਾ (ਨਿੱਜੀ ਪੱਤਰ ਪ੍ਰੇਰਕ): ਅੰਬਾਲਾ ਕੈਂਟ ਵਿੱਚ ਤਾਇਨਾਤ ਫੌਜ ਦਾ ਜਵਾਨ ਭੇਤਭਰੀ ਹਾਲਤ ਵਿੱਚ ਲਾਪਤਾ ਹੋ ਗਿਆ ਹੈ। ਉਹ 25 ਫਰਵਰੀ ਨੂੰ 2 ਕੋਰ ਵਿੱਚ ਏਡੀਐੱਮ ਦੀ ਡਿਊਟੀ ’ਤੇ ਅੰਬਾਲਾ ਆਇਆ ਸੀ। ਸੂਬੇਦਾਰ ਮਲੂਕ ਸਿੰਘ ਨੇ ਪੁਲੀਸ ਨੂੰ ਦੱਸਿਆ ਕਿ ਉਹ ਯੂਨਿਟ 193 ਮੀਡੀਅਮ ਰਜੀਮੈਂਟ ਫਰੀਦਕੋਟ ਵਿੱਚ ਤਾਇਨਾਤ ਹੈ। ਸੂਬੇਦਾਰ ਅਨੁਸਾਰ ਹੁਸ਼ਿਆਰਪੁਰ ਜ਼ਿਲ੍ਹੇ ਦੇ ਥਾਣਾ ਦਸੂਹਾ ਦੇ ਪਿੰਡ ਕਲੋਵਾਲ ਦਾ ਸਿਪਾਹੀ ਡਿੰਪਲਦੀਪ ਸਿੰਘ (25) ਉਸ ਦੇ ਨਾਲ ਹੀ 25 ਫਰਵਰੀ ਨੂੰ ਏਡੀਐੱਮ ਡਿਊਟੀ ਲਈ ਆਇਆ ਸੀ ਪਰ 18 ਅਪਰੈਲ ਨੂੰ ਉਹ ਕੈਂਪ ਵਿੱਚੋਂ ਬਿਨਾਂ ਦੱਸੇ ਕਿਤੇ ਚਲੇ ਗਿਆ ਹੈ। ਫੌਜ ਵੱਲੋਂ ਜਵਾਨ ਦੇ ਪਰਿਵਾਰਕ ਮੈਂਬਰਾਂ ਨਾਲ ਸੰਪਰਕ ਕੀਤਾ ਗਿਆ ਹੈ ਪਰ ਜਵਾਨ ਘਰ ਵੀ ਨਹੀਂ ਪਹੁੰਚਿਆ।
Advertisement
Advertisement