ਡੈਮੋਕ੍ਰੈਟਿਕ ਟੀਚਰਜ਼ ਫਰੰਟ ਦੀ ਮੀਟਿੰਗ

ਲੁਧਿਆਣਾ:

ਡੈਮੋਕ੍ਰੈਟਿਕ ਟੀਚਰ ਫਰੰਟ ਬਲਾਕ ਸਮਰਾਲਾ ਅਤੇ ਮਾਂਗਟ-3 ਦੀ ਮੀਟਿੰਗ ਅੱਜ ਇੱਥੇ ਡੈਮੋਕ੍ਰੈਟਿਕ ਟੀਚਰਜ਼ ਫਰੰਟ ਲੁਧਿਆਣਾ ਦੇ ਜਨਰਲ ਸਕੱਤਰ ਰੁਪਿੰਦਰ ਪਾਲ ਸਿੰਘ ਗਿੱਲ ਦੀ ਅਗਵਾਈ ਵਿੱਚ ਹੋਈ। ਇਸ ਮੀਟਿੰਗ ਵਿੱਚ ਅਧਿਆਪਕਾਂ ਦੀਆਂ ਮੰਗਾਂ, ਮਸਲਿਆਂ ਅਤੇ ਜਥੇਬੰਦਕ ਮਸਲਿਆਂ ਬਾਬਤ ਚਰਚਾ ਕੀਤੀ ਗਈ। ਲੋਕਤੰਤਰਿਕ ਰਵਾਇਤਾਂ ਨੂੰ ਕਾਇਮ ਰੱਖਦੇ ਹੋਏ ਜਥੇਬੰਦੀ ਦਾ ਬਲਾਕ ਪੱਧਰੀ ਇਜਲਾਸ 8 ਜੂਨ ਨੂੰ ਕਰਨ ਬਾਰੇ ਵਿਚਾਰ ਚਰਚਾ ਹੋਈ। ਇਹ ਤੈਅ ਕੀਤਾ ਗਿਆ ਕਿ ਬਲਾਕ ਸਮਰਾਲਾ ਅਤੇ ਬਲਾਕ ਮਾਂਗਟ-3 ਦਾ ਚੋਣ ਇਜਲਾਸ ਇੱਕ ਹੀ ਥਾਂ ਸਮਰਾਲਾ ਵਿਖੇ ਕੀਤਾ ਜਾਵੇਗਾ। ਮੀਟਿੰਗ ਵਿੱਚ ਰਾਜਿੰਦਰ ਜੰਡਿਆਲੀ, ਮਨਪ੍ਰੀਤ ਸਮਰਾਲਾ, ਹਰਦੀਪ ਸਿੰਘ, ਰਾਜਕੁਮਾਰ, ਸੰਦੀਪ ਪਾਂਡੇ, ਭੁਪਿੰਦਰ ਸਿੰਘ, ਹਰਪ੍ਰੀਤ ਸਿੰਘ ਅਤੇ ਰਾਜਵਿੰਦਰ ਸਿੰਘ ਨੇ ਹਿੱਸਾ ਲਿਆ। -ਖੇਤਰੀ ਪ੍ਰਤੀਨਿਧ