ਪਾਬੰਦੀਸ਼ੁਦਾ ਕੈਪਸੂਲ ਮਿਲਣ ’ਤੇ ਮੈਡੀਕਲ ਸਟੋਰ ਸੀਲ

ਪੱਤਰ ਪੇ੍ਰਰਕ
ਕਾਲਾਂਵਾਲੀ, 19 ਨਵੰਬਰ
ਖੇਤਰ ਦੀ ਸਿੰਘਪੁਰਾ ਚੌਕੀ ਪੁਲੀਸ ਨੇ ਗੁਪਤ ਸੂਚਨਾ ਦੇ ਆਧਾਰ ’ਤੇ ਡਰੱਗ ਇੰਸਪੈਕਟਰ ਡਾ. ਕੇਸ਼ਵ ਵਸ਼ਿਸ਼ਟ ਸਮੇਤ ਗਸ਼ਤ ਦੌਰਾਨ ਫਰੈਂਡਜ਼ ਫਾਰਮੇਸੀ ਮੈਡੀਕਲ ਸਟੋਰ ਤੋਂ 420 ਨਸ਼ੀਲੇ ਕੈਪਸੂਲ ਬਰਾਮਦ ਕੀਤੇ ਅਤੇ ਸਟੋਰ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਚੌਕੀ ਦੇ ਇੰਚਾਰਜ ਚੰਨਣ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਗੁਪਤ ਸੂਚਨਾ ਮਿਲੀ ਕਿ ਪਿੰਡ ਸਿੰਘਪੁਰਾ ਵਿੱਚ ਫਰੈਂਡਜ਼ ਫਾਰਮੇਸੀ ਮੈਡੀਕਲ ਸਟੋਰ ਦਾ ਮਾਲਕ ਨਸ਼ੀਲੇ ਕੈਪਸੂਲ ਵੇਚ ਰਿਹਾ ਹੈ, ਜਿਸ ’ਤੇ ਉਨ੍ਹਾਂ ਤੁਰੰਤ ਆਪਣੀ ਟੀਮ ਅਤੇ ਡਰੱਗ ਇੰਸਪੈਕਟਰ ਡਾ. ਕੇਸ਼ਵ ਵਸ਼ਿਸ਼ਟ ਸਮੇਤ ਮੈਡੀਕਲ ਸਟੋਰ ਦੀ ਚੈਕਿੰਗ ਕੀਤੀ। ਉਨ੍ਹਾਂ ਕਿਹਾ ਕਿ ਸਟੋਰ ਮਾਲਕ ਗਗਨਦੀਪ ਸਿੰਘ ਵਾਸੀ ਸਿੰਘਪੁਰਾ ਪਾਸੋਂ 420 ਕੈਪਸੂਲ ਬਰਾਮਦ ਕਰ ਕੇ ਨਿਯਮਾਂ ਅਨੁਸਾਰ ਕਾਰਵਾਈ ਕਰਦਿਆਂ ਮੈਡੀਕਲ ਨੂੰ ਸੀਲ ਕਰ ਦਿੱਤਾ ਗਿਆ।