ਉੜੀਸਾ ਦੇ ਮੈਡੀਕਲ ਮਾਹਿਰਾਂ ਵੱਲੋਂ ਭੜੌਂਜੀਆਂ ਦਾ ਦੌਰਾ

ਪੱਤਰ ਪ੍ਰੇਰਕ
ਮੁੱਲਾਂਪੁਰ ਗਰੀਬਦਾਸ, 29 ਮਾਰਚ
ਉੜੀਸਾ ਤੋਂ ਆਏ ਮੈਡੀਕਲ ਮਾਹਿਰਾਂ ਆਈਡੀਐੱਸਪੀ ਦੀ ਟੀਮ ਨੇ ਪ੍ਰਾਇਮਰੀ ਹੈਲਥ ਸੈਂਟਰ ਬੂਥਗੜ੍ਹ ਦੇ ਡਾਕਟਰਾਂ ਦੀ ਟੀਮ ਨਾਲ ਪਿੰਡ ਭੜੌਂਜੀਆਂ ਦੀਆਂ ਬਸਤੀਆਂ ਵਿੱਚ ਫੇਰੀ ਪਾਈ। ਟੀਮ ਨੇ ਜਿੱਥੇ ਪਿੰਡਾਂ ਵਿੱਚ ਮਲੇਰੀਆ ਅਤੇ ਡੇਂਗੂ ਦੇ ਕੇਸਾਂ ਨਾਲ ਸਿੱਝਣ ਦੀ ਕਾਰਜਵਿਧੀ ਸਬੰਧੀ ਜਾਣਕਾਰੀ ਲਈ, ਉੱਥੇ ਪੀਐੱਚਸੀ ਬੂਥਗੜ੍ਹ ਦੀ ਸਮੁੱਚੀ ਕਾਰਜ ਪ੍ਰਣਾਲੀ ਬਾਰੇ ਜਾਣਕਾਰੀ ਹਾਸਲ ਕੀਤੀ। ਸਿਹਤ ਕੇਂਦਰ ਦੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾਕਟਰ ਅਲਕਜੋਤ ਕੌਰ ਨੇ ਟੀਮ ਦਾ ਸਵਾਗਤ ਕਰਦਿਆਂ ਡਾਕਟਰਾਂ ਅਤੇ ਪੈਰਾ ਮੈਡੀਕਲ ਸਟਾਫ ਨਾਲ ਉਨ੍ਹਾਂ ਨੂੰ ਸਾਰੀ ਜਾਣਕਾਰੀ ਦਿੱਤੀ।