ਮਾਤਾ ਸੁੰਦਰੀ ਸਕੂਲ ਨੇ ਨੌਂ ਤਗ਼ਮੇ ਜਿੱਤੇ

ਚਾਉਕੇ: ਮਾਤਾ ਸੁੰਦਰੀ ਸੀਨੀਅਰ ਸੈਕੰਡਰੀ ਸਕੂਲ ਢੱਡੇ ਦੇ ਖਿਡਾਰੀਆਂ ਨੇ 68 ਵੀਆਂ ਗਰਮ ਰੁੱਤ ਸਕੂਲ ਖੇਡਾਂ ਦੇ ਜ਼ੋਨ ਮੰਡੀ ਕਲਾਂ ਦੇ ਮੁਕਾਬਲੇ ਵਿੱਚ 6 ਸੋਨੇ ਅਤੇ 3 ਚਾਂਦੀ ਦੇ ਤਗ਼ਮੇ ਜਿੱਤੇ। ਸੰਸਥਾ ਦੇ ਚੇਅਰਮੈਨ ਕੁਲਵੰਤ ਸਿੰਘ,ਮੈਨੇਜਿੰਗ ਡਾਇਰੈਕਟਰ ਗੁਰਬਿੰਦਰ ਸਿੰਘ, ਡਾਇਰੈਕਟਰ ਐਡਮਨਿਸਟਰੇਸਨ ਪਰਮਿੰਦਰ ਸਿੰਘ ਅਤੇ ਪ੍ਰਿੰਸੀਪਲ ਰਾਜ ਸਿੰਘ ਬਾਘਾ ਨੇ ਖਿਡਾਰੀਆਂ ਨੂੰ ਵਧਾਈਆਂ ਦਿੱਤੀਆਂ। ਸੰਸਥਾ ਦੇ ਖੇਡ ਵਿਭਾਗ ਦੇ ਮੁਖੀ ਪ੍ਰੋ. ਜਸਵਿੰਦਰ ਸਿੰਘ ਦੱਸਿਆ ਕਿ ਸੰਸਥਾ ਦੇ ਅੰਡਰ 19 ਸਾਲ ਉਮਰ ਵਰਗ ਦੇ ਖਿਡਾਰੀਆਂ ਵਿੱਚ ਰੱਸਾਕਸ਼ੀ ’ਚ ਸੋਨੇ, ਟੇਬਲ ਟੈਨਿਸ ’ਚ ਸੋਨੇ , ਮੁੱਕੇਬਾਜ਼ੀ ਵਿਚ ਗੁਰਪ੍ਰੀਤ ਕੌਰ ਨੇ 63 ਕਿੱਲੋ ਵਰਗ ਵਿਚ ਸੋਨੇ, ਹੁਸਨਪ੍ਰੀਤ ਕੌਰ ਨੇ 60 ਕਿੱਲੋ ਵਰਗ ਵਿਚ ਸੋਨੇ, ਨਵਜੋਤ 54 ਕਿੱਲੋ ਵਰਗ ਵਿਚ ਸੋਨੇ ਦਾ ਤਗਮਾ, ਸਿਮਰਨਜੋਤ 45 ਕਿੱਲੋ ਵਰਗ ਵਿਚ ਸੋਨੇ , ਗਗਨਦੀਪ ਕੌਰ ਨੇ 57 ਕਿੱਲੋ ਵਿੱਚ ਚਾਂਦੀ ਦਾ ਤਗ਼ਮਾ ਹਾਸਲ ਕੀਤਾ। -ਪੱਤਰ ਪ੍ਰੇਰਕ