ਮਨੀਸ਼ ਦੇਸਾਈ ਪੀਆਈਬੀ ਦੇ ਪ੍ਰਮੁੱਖ ਡਾਇਰੈਕਟਰ ਜਨਰਲ ਨਿਯੁਕਤ

ਨਵੀਂ ਦਿੱਲੀ, 30 ਅਗਸਤ
ਭਾਰਤੀ ਸੂਚਨਾ ਸੇਵਾ ਦੇ ਵਿਸ਼ੇਸ਼ ਅਧਿਕਾਰੀ ਮਨੀਸ਼ ਦੇਸਾਈ ਨੂੰ ਅੱਜ ਪ੍ਰੈੱਸ ਸੂਚਨਾ ਬਿਊਰੋ (ਪੀਆਈਬੀ) ਦਾ ਪ੍ਰਮੁੱਖ ਡਾਇਰੈਕਟਰ ਜਨਰਲ ਨਿਯੁਕਤ ਕੀਤਾ ਗਿਆ ਹੈ। ਦੇਸਾਈ (1989 ਬੈਚ) ਸਰਕਾਰ ਦੇ ਪ੍ਰਮੁੱਖ ਬੁਲਾਰੇ ਵੀ ਹੋਣਗੇ। ਉਹ ਵੀਰਵਾਰ ਨੂੰ ਸੇਵਾਮੁਕਤ ਹੋ ਰਹੇ ਰਾਜੇਸ਼ ਮਲਹੋਤਰਾ ਦੀ ਜਗ੍ਹਾ ਸ਼ੁੱਕਰਵਾਰ ਨੂੰ ਅਹੁਦਾ ਸੰਭਾਲਣਗੇ। ਦੇਸਾਈ ਇਸ ਵੇਲੇ ਕੇਂਦਰੀ ਸੰਚਾਰ ਬਿਊਰੋ ਵਿੱਚ ਡਾਇਰੈਕਟਰ ਜਨਰਲ ਹਨ। ਸਰਕਾਰ ਨੇ ਸੀਨੀਅਰ ਆਈਆਈਐੱਸ ਅਧਿਕਾਰੀ ਭੁਪੇਂਦਰ ਕੈਂਥੋਲਾ ਨੂੰ ਰਜਿਸਟਰਾਰ ਆਫ ਨਿਊਜ਼ ਪੇਪਰ ਇਨ ਇੰਡੀਆ (ਆਰਐੱਨਆਈ) ਦਾ ਪ੍ਰੈੱਸ ਰਜਿਸਟਰਾਰ ਨਿਯੁਕਤ ਕੀਤਾ ਹੈ। ਕੈਂਥੋਲਾ ਇਸ ਵੇਲੇ ਪੀਆਈਬੀ ਦੇ ਡਾਇਰੈਕਟਰ ਜਨਰਲ (ਪੂਰਬੀ ਜ਼ੋਨ) ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ। ਆਰਐੱਨਆਈ ਦੇ ਪ੍ਰੈੱਸ ਰਜਿਸਟਰਾਰ ਧੀਰੇਂਦਰ ਓਝਾ ਨੂੰ ਕੇਂਦਰੀ ਸੰਚਾਰ ਬਿਊਰੋ ਦਾ ਡਾਇਰੈਕਟਰ ਜਨਰਲ ਨਿਯੁਕਤ ਕੀਤਾ ਗਿਆ ਹੈ। ਇਸੇ ਤਰ੍ਹਾਂ ਪੀਆਈਬੀ ਗੁਹਾਟੀ ਵਿੱਚ ਐਡੀਸ਼ਨਲ ਡਾਇਰੈਕਟਰ ਜਨਰਲ ਜਾਨੇ ਨਾਮਚੂ ਨੂੰ ਪੀਆਈਬੀ ਕੋਲਕਾਤਾ ਦਾ ਵਾਧੂ ਚਾਰਜ ਸੌਂਪਿਆ ਗਿਆ ਹੈ। -ਪੀਟੀਆਈ